←  Proverbs (22/31)  →
1. Hming tha hi sum tam tak nekin a ditum lem,Mi ngaihlut ni khom tangka le rangkachak nekin.
2. Rethei le hausain nina an intawm chu,LALPA kutsuok vong an nina hi a nih.
3. Remhre mi chun titna a hmu pha a'n bi a,Mi mawl chun a tawn a, a tuor pha hlak.
4. Inngaitlawm le Pathien ti man chuHausakna, chawimawina le hringna a nih.
5. Mi rilo lampui chu hling le changin a sip a,Nun vong him nuomtu chun a hnai ngai nawh.
6. Naupang chu lampui indik inchuktir la,A upat hnung khomin petsan ngai naw nih.
7. Mi hausahan pasiehai chungah thu an nei a,Thil puktu chu inpuktirtu siehlaw a nih.
8. Hleineina tutu chun buoina a sik hlak a,Mi chunga lungsenna hmol a lek chu suktliekin um a tih.
9. Mi tiktlai chu malsawmin um a tih,Mi retheihai chu bu a pek hlak leiin.
10. Hmusittu hnot suok la, innghirnghona bo a ta, Inhal le inbiek sisawhai khom reng a tih.
11. Lungril thienghlim ngainatu leHawihawm taka mi biengbiek thiem chu,Lalin ruolah nei a tih.
12. Hrietna nei mi chu LALPAN a hum tlat a,Mi khelhliphai thu ruok chu a pei thlak hlak.
13. Mi thabo chun, "Tuolah sakeibaknei a um!Ka suok chun mi se hlum a tih" dam a ti hlak.
14. Nu lepler bau chu tlakpum inthuk tak ang a na,LALPA lungsenna phurtuhai chu tla lut an tih.
15. Naupang lungrila invetna bu khuor chu,Thununna hmola hnot hmang thei a nih.
16. Hausak nuom leia pasiehai neksawr leThilpeka mi hausa tlon chu tlakranna a nih.
17. I na dawin, ka thuhai hi ngaithla la,I lungrilin ka hrilhai chu vong rawh;
18. I lungrilah vong a, i hmurah i sie zing chun,Thil lawmum tak ning a tih.
19. LALPA ringa amaah i'n nghat theina dingin,Voisun hin i kuoma ngei ka hril a nih.
20. Thurawn le hrietna thuvar sawmthum,Ka ziek suokpek diem che a nih,Chu chun remruot thiem dan a chuong.
21. Chu taka chun thu dik ring tlak hrieng i ta,Thu dik hmu suok dinga an tir pha che,A donna indik tak hre thei i tih.
22. Mi pasiehai rok naw rawh, an rethei si a,Rorelnaah hrilpuitu nei lohai pal zut naw rawh.
23. LALPAN an thu hung hrilpui a ta,Anni roktuhai chu rok veng a tih.
24. Mi nunsie ruolah siem naw la,Lungsen hmang inkoppui naw rawh,
25. A nungchang la pal i ta,Intang song hlauh rawi i tih.
26. Mi leibat rul dingin intiemkam naw la,Dakhamah insie ngai bok naw rawh;
27. A thungna ding i nei si naw chun,I zalkhum chen lakpek an ti che.
28. Tiena tlanga in pi le puhai lo phun,Ramri lung chu son ngai naw rawh.
29. Mani sin thiem mi i hmu am?Ama chu lal kuomah sin thawng a ta,Mi naranin sor phak naw ni hai.
←  Proverbs (22/31)  →