← Proverbs (19/31) → |
1. | Mi invet le mi khelhlip ni nekin,Mi rethei, dem kai loa kal chawitu ni a tha lem. |
2. | Hrietna nei si loa phur hlut a tha nawh,Pawng inhmawa kalchawi chu a'n suithluk hlak. |
3. | Mihriemin a'n vetna a sietpui pha,Pathien chungah a lungsen hlak. |
4. | Hausakna hi ruol hauna a na,Retheina chun ruol a sukthe. |
5. | Hrepuitu der chun hrem tuor ngei a ta,Khel hril ching khomin pumpel bok naw nih. |
6. | Mi tiktlaihaiin tlontu an hau a,Mi thilphalhan ruol an hau hlak. |
7. | Mi rethei chu a sunghai hmana an nghok chun,A ruolhai lem chun an va hnawl nasa awm de!Anni chu ko lom lom hlak sien khom,A bul hnaia hrim an um nuom nawh. |
8. | Varna nei chu mani inditsakna a na,Hrietthiemna nei chu hmuingilna a nih. |
9. | Hrepuitu der chun hrem pumpel top naw nih,Khel hril hmang chu bohmang a tih. |
10. | Khawsak insang le mi invet an inhme naw a,Milien chunga siehlaw inlal an inhme naw zuol. |
11. | Mi var chu a lungsen mei mei nuom naw a,A poi an tawk a haider thei chu a ropuina a nih. |
12. | Lal lungsen chu keipui inrum ang a na,A ditsakna chu hlobet chunga daidaw tla ang a nih. |
13. | Nau invet chu a pa tlakranna a na,Nuhmei hrangsie chu ruo niching do ang a nih. |
14. | In le lo hi nu le paa inthoka ei rochung a na,Nuhmei var ruok chu LALPA mi pek a nih. |
15. | Mi thabo chu a in chur chur a,Mi zomthaw chun phingtam tuor a tih. |
16. | Thupek zawmtu chun nun a vong tha a,A ngaithatu ruok chu bohmang a tih. |
17. | Tu khom retheihai lunginsiettu chu,LALPA kuoma thil inpuktirtu ang a na,A thil thaw thathai chu la rul vong a tih. |
18. | Beiseium a la ni laiin i nau chu thunun rawh,Chuong naw chun a thi i remti tina a nih. |
19. | Lung inrom chun a nunsiet man hmung a ta,San la khom i san nawk pei ngai a tih. |
20. | Thurawn ngaithla la, thupek zawm la,A tawpah mi var la hung ning i tih. |
21. | Mihriem lungrilin thaw tum hau sien khom,LALPA remruot chauh a dingchang hlak. |
22. | Mihriema thlakhlaum chu a ringumna a na,Mi khelhlip nekin mi rethei ni a tha lem. |
23. | LALPA ti chu hringna a ni takzet a,A titu chu lungawi takin an um a,Thil tha loin tlakbuok naw nih. |
24. | Mi thabo chun buthleng a pur a,Bu beng dingin kut a hlang pei si nawh. |
25. | Mi hmusit ching hlak i vuok chun,Chu mimawl chun fimkhur inchuk a ta;Hrietthiemna nei mi i zil ruok chun,A hrietna hung pung a tih. |
26. | Pahai rok a, nuhai hnot suoktu nau chun,Inzakna le muolphona a'n tlun hlak. |
27. | Ka naupa, zirtirna i dong pei theina dingin,Hrietna lampui pet hmangsan naw rawh. |
28. | Hrepuitu porche chun rorelna a palzut a,Mi rilo chun suolna a dol thlak zung zung. |
29. | Nuisawtuhai chu thiem naw chang sa an na,Mi invethai chu ruongzangah vuong an tih. |
← Proverbs (19/31) → |