Philemon (1/1)    

1. Paula, Krista Isua mi tang le ei unaupa Timothe chun kan thawpui le ruol dit tak Filemon hai,
2. kan farnu Afi hai, sipaipui Arkipa hai le i ina inkhawm kohran mihai chibai kan buk.
3. Ei Pa Pathien le Lalpa Isu Krista kuoma inthoka lunginsietna le inremna chu in kuomah um raw se.
4. Ka tongtainaah ka hriet zing hlak che a,
5. Lalpa Isu i ringna thu le mi thienghlimhai i hmangaizie thu hrein ka Pathien kuomah lawmthu ka hril hlak.
6. Krista ta dinga thil tha ei thaw dinghai chu hmu chieng a, i ringna tangkai taka mihai ta dinga i hmang theina dingin ka tongtai bok hlak.a
7. Unaupa, i hmangaina thu ka hrietin ka lawm hle a, mi thienghlimhai lungril khom i chok har leiin thla i sukmuong nasa em em.
8. Hi lei tak hin annawm, Kristaa unau ei ninaah i thaw ding awm chu thaw dingin thu pe ngam lang che khom,
9. hmangaina sirsana hmangin kei putarb tah Paula, tuta Krista Isu leia intang hin, a ngenin ka ngen lem che a nih.
10. Ka naupa Onesima, kol bun puma naua ka nei, ta ding hin ka ngen che a nih.
11. Tuta hma khan i ta dingin mi hmangna bo ni hlak sienkhom tuhin ka ta dingin a tangkaic a, i ta ding khomin tangkai tang a tih.
12. Tu hin lungrilin inro hle lang khom, i kuomah ka hung tirkir a nih.
13. Chanchin Tha leia ka'n tang sung hin i aia mi thangpuitu dingin mi umpui pei sien ka nuom hle a;
14. amiruokchu, i remti naw zawng ieng khom thaw ka nuom nawh, i mi hmangaina chu thaw luina lei ni loa nangma puoksuok ngeia inthok a ni theina dingin.
15. Iemani chen a tlansan che hi i kuoma a ngam song theina ding lem ning a tih.
16. Tu hin chu bawi ang ni ta loin, bawi neka hlu lem, unau dittak a ni tah a, ka ta dingin a ditum em em a, i ta ding khomin taksa tieng thil le Lalpaa unau a ninaah ditum zuol ngei a tih.
17. Chuleiin, i thawpui nia i mi ngai takzet chun keima ang elin ama hi lo lawm rawh.
18. I lakah thaw indik naw amanih le bat dam amanih a nei chun ka rul dingin lo sie la,
19. kei, Paula hin keima kut ngeiin ka rul ding thu ka ziek a ni hi. Ka lakah nangma ngeiin i bat ve thu ruok chu ziek ka tum nawh.
20. Unaupa, Lalpa leiin hi thil hi mi thawpek la, Kristaah ka lungril suklawm rawh.
21. Ka ngenna che hi a hlawtling ngei beisei tlatin ka ziek a ni hi, ka beisei nek hmana nasa lemin i thaw ka ring nghe nghe.
22. In tongtainahai dona um a, in kuoma ka hung suok ka beisei leiin tlungna ding in mi lo ngaituopek ro.
23. Epafra, Krista Isua ka�n t�ngpui hin chibai a b�k che.
24. Ka thawpui Marka hai, Aristarka hai, Dema hai le Luka hai hin chibai an b�k che.
25. Ei Lalpa Isu Krista lunginsietna chu in r�nga kuomah um raw se.

      Philemon (1/1)