Obadiah (1/1)    
1. Hi hi Obadia inlarna hmu chu a nih. Edom chungthua Chunghnungtak LALPA hril chu hieng hi a nih:LALPA thucha chu kan lo hriet.Hnamhai kuoma a palai tir chun,"Edom do dingin inthok ei tiu"Tiin anni chu a hril a.
2. Edom chungthua LALPA thu chu:"Ngai ta, hnam lai sukchin ka ti che a,Nasa takin hmusit an ti che.
3. Nang, lungpui kak kara cheng,Hmun sangah umhmun khuora,'Tu am hnuoia mi keithla ding?'Tia lungrila inhantaw hlaktu,I lungril chapona chun,A hlem letder che a nih.
4. Mu anga vuong insangin,Arasi lai bu sep la khom,Chutaka inthok khom chun,Hung kei thla tho ka ti che"Ti hi LALPA thu suok a nih.
5. " I kuomah rukru hungin,Zanah roktu hung sien chu,I va se nasa awm de aw!An thil dithai po lain,An rok hrep naw ding che maw?Grep lotu hung hai sien,Lo bang an hla met naw ding?
6. Esau, an suosam pha che chu,I rosum thup an dithai po lain,An va rok nasa ding che de aw!
7. I tienga thang po poin,Ramri chen hung hnot an ti che.Inrem taka i khawsakpuihan,Hlemin hneng an ti che a,I bei fatuhaiin chang,I awkna ding kam an ta,Sienkhom hre si naw ti nih.
8. "Chu ni chun Edom mi varhai,Esau tlanga mi thiemhai chu,Ka sukbohmang naw ding maw?"Ti hi LALPA thu suok a nih.
9. "Aw Teman, i pasalthahai chu,Tiin inthin hawp an ta,Esau tlanga mi po po chu,Sat hlumin um vong an tih.
10. "I unaupa Jakob chungahTharum i lo thaw leiin,Inzaknan inkhum a ti che a,Kumkhuoa suksiet ning i tih.
11. Mikhuolin a hausakna,Roka an phur suok ni khan,Nang chun i lo ral thlir a,Kul kotkharah an lut a,Jerusalem chungthua thum,An vawr lai khan nang ruok chu,Anni ang charin i um.
12. I unau vangduoi tuok ni'n,I diriem ding a ni naw a,Juda thlahaiin sietna,An tuok niin hlim naw la,Harsatna an tuok niin,I'n iem rak ding a ni nawh.
13. Ka mihai siet tuok niin,An kotkharah lut naw la,Vangduoina an tuok niin,An rinum tuor thlir naw la,An rosumhai la naw rawh.
14. A tlan suokhai that dingin,Lam thuomah inchan naw la,Buoina an tuok nikhuo a,A dam sun la umhai khom,Mi kutah inmantir naw rawh.Hnamhai chunga Pathien hremna
15. LALPA ni chu hnam tin chungah,A hung tlung hnai ta si a;I lo thaw dan ang charin,I chungah thaw veng a ta,I thilthaw dan ang charin,I lu chungah tlang a tih.
16. Ka mihan ka tlang thienghlimah,Ka hremna no an dawn angin,Hnam tinin dawn rop an ta,Dawn an ta, lem thlang an ta,Pieng lo angin la um an tih.
17. Sienkhom Zion tlanga chun,Hung tlan suokhai la um an ta,Tlang thienghlim tak ning a ta,Jakob le a thlahaiin,Chu tlang chu rochung an tih.
18. Jakob sungkuo chu mei ang,Josefa sungkuo chu meichok ang,Esau sungkuo chu bupawl ang,An la ni ding a ni leiin,Esau sungkuo chu kang hmang an ta,Tu khom hla um naw ni hai"Ti hi LALPA thu suok a nih.
19. Judai ram sim tieng mihan,Esau tlang chu hluong an ta, Phai zawl thut hluotuhai chun,Filistinhai ram chang an ta,Efraim le Samaria ram khom,A rengin hluo sa'ng an ta,Benjamin-in Gilead chang a tih.
20. Israel saltang hung kirhan,Kanan ram hung hneng an ta,Zarefa chen hluong an tih.Jerusalema inthoka saltang,Sefarad-a chenghai chun,Sim tieng khuohai chu chang an tih.
21. Zion tlang san suoktuhan,Edom ram chu run an ta,Esau tlang chu op khum an ta,LALPA ram ni tang a tih.
      Obadiah (1/1)