←  Numbers (7/36)  →
1. Mosien biekbuk a'n ngir zo chun a cheina hmangruo po po leh hriek nalin a'n hlan thienghlim a. Maicham le a bungbel po po khom hriek nalin a'n hlan thienghlim bok a.
2. Chu zoah Israel hnam thuoituhai, pahnam tin tiemnaa thuoitua an hmanghai chu an hung a, thilhlan an hung chawi seng a.
3. An thilhlanhai chu tawlailir chung khum nei paruk le bawngchal sawm le pahnih a nih. Thuoitu pahniin tawlailir pakhat pei an thaw intawm a, thuoitu tinin bawngchal pakhat pei an hung tuok a, chuonghai chu biekbuk kota chun LALPA kuomah an hung inhlan a.
4. LALPA chun Mosie kuomah,
5. "Hieng thilpekhai hi Intuokna Puon ina hmang dingin lo pom rawh. Levihai kuomah an sin zira an mamaw ang peiin sem rawh" a ta.
6. Mosie chun tawlailir paruk le bawngchalhai chu a lak a, Levihai kuomah a pek a.
7. An sina an mamaw ang peiin Gersonhai chu tawlailir pahni le bawngchal pali a pek a,
8. an sina an mamaw ang dungzuiin Merarihai chu tawlailir pali le bawngchal pariet a pek bok a. An reng chun thiempu Aron naupa Ithamar inrawina hnuoia sinthaw vong an nih.
9. Kohathai ruok chu hmun thienghlima thil put le zawn chu an mawphurna a ni leiin Mosie chun a pek ve tawl nawh.
10. Mosien maicham chu hriek nala a'n thien zo chun maicham inhlan thienghlim lawmna dinga thuoituhaiin thilhlan an hung chawihai chu maicham bulah an hung inhlan a.
11. LALPA chun Mosie kuomah, "Chi-hnam tina luhai sengin an thilpekhai chu ahmatiemin ni khatah pakhat peiin an hung inhlan ding a nih" a ta.
12. A ni khat nia thilhlan hung chawi hmasa tak chu Juda hnama mi Aminadab naupa Nason a nih.
13. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak, hriek le pol beiphit indip taka sung sip hmar ve ve dam;
14. shekel sawma rik rangkachak berbu, raw ding rim inhnika sung sip dam;
15. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
16. suol inthawina ding kel chal pakhat;
17. inremna inthawina ding bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Aminadab naupa Nason thil inhlanhai chu a nih.
18. A ni hninaa thilhlan hung chawitu chu Isakar hnama mi Zuar naupa Nathanel a nih.
19. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
20. shekel sawma rik rangkachak berbu, raw ding rim inhnika sung sip dam;
21. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
22. suol inthawina dingin kel chal pakhat;
23. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Zuar naupa Nethanel thil inhlanhai chu a nih.
24. A ni thumnaa thilhlan hung chawitu chu Zebulun hnama mi Helon naupa Eliab a nih.
25. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
26. shekel sawma rik rangkachak berbu, raw ding rim inhnika sung sip dam;
27. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
28. suol inthawina dingin kel chal pakhat;
29. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Helon naupa Eliab thil inhlanhai chu a nih.
30. A ni linaa thilhlan hung chawitu chu Reuben hnama mi Elizur naupa Sedeur a nih.
31. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
32. shekel sawma rik rangkachak berbu, raw ding rim inhnika sip dam;
33. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat dam;
34. suol inthawina dingin kel chal pakhat;
35. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Elizur naupa Sedeur thil inhlanhai chu a nih.
36. A ni nganaa thilhlan hung chawitu chu Simeon hnama mi Selumiel naupa Zurisadai a nih.
37. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkawruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
38. shekel sawma rik rangkachak berbu, raw ding rim inhnika sip dam;
39. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
40. suol inthawina dingin kel chal pakhat;
41. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Selumiel naupa Zurisadai thil inhlanhai chu a nih.
42. A ni ruknaa thilhlan hung chawitu chu Gad hnama mi Eliasaf naupa Deuel a nih.
43. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
44. shekel sawma rik rangkachak berbu, raw ding rim inhnika sung sip dam;
45. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
46. suol inthawina dingin kel chal pakhat;
47. inremna inthawina dingin bawngchal pahni, beramchal panga, kel chal panga le kum khata upa beram tuoi panga dam a nih. Chuonghai chu Eliasaf naupa Deuel thil inhlanhai chu a nih.
48. A ni sarinaa thilhlan hung chawitu chu Efraim hnama mi Amihud naupa Elisama a nih.
49. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
50. shekel sawma rik rangkachak berbu, raw ding rim inhnika sung sip dam;
51. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
52. suol inthawina dingin kel chal pakhat;
53. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Amihud naupa Elisama thil inhlanhai chu a nih.
54. A ni rietnaa thilhlan hung chawitu chu Manase hnama mi Pedahzur naupa Gamaliel a nih.
55. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
56. shekel sawma rik rangkachak berbu, raw ding rim inhnika sip dam;
57. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakha;
58. suol inthawina dingin kel chal pakhat;
59. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Pedahzur naupa Gamaliel thil inhlanhai chu a nih.
60. A ni kuona thilhlan hung chawitu chu Benjamin hnama mi Gideoni naupa Abidan a nih.
61. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
62. shekel sawma rik rangkachak berbu, raw ding rim inhnika sip dam;
63. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
64. suol inthawina dingin kel chal pakhat;
65. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Gideoni naupa Abidan thil inhlanhai chu a nih.
66. A ni sawmnaa thilhlan hung chawitu chu Dan hnama mi Amisadai naupa Ahiezer a nih.
67. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
68. shekel sawma rik rangkachak berbu, raw ding rim inhnika sip dam;
69. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
70. suol inthawina dingin kel chal pakhat;
71. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Amisadai naupa Ahiezer thil inhlanhai chu a nih.
72. A ni sawmpakhatnaa thilhlan hung chawitu chu Aser hnama mi Okran naupa Pagiel a nih.
73. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak, hriek le pol beiphit indip taka a pahnia sung sip hmar ve ve dam;
74. shekel sawma rik rangkachak berbu, raw ding rim inhnika sip dam;
75. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
76. suol inthawina dingin kel chal pakhat;
77. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Okran naupa Pagiel thil inhlanhai chu a nih.
78. A ni sawmpahninaa thilhlan hung chawitu chu Naftali hnama mi Enan naupa Ahira a nih.
79. A thil inhlanhai chu tangkaruo thleng pakhat, hmun thienghlima hmang shekel za le sawmthuma rik le tui amanih thisen amanih thenaa hmang chi tangkaruo maihun pakhat, shekel sawmsari tluka rik, bu le bal thilhlana hmang hlak hriek le pol beiphit indip taka a pahnia sung sip hmar ve ve dam;
80. shekel sawma rik rangkachak berbu, raw ding rim inhnika sip dam;
81. pumraw inthawia hmang ding bawng chal tuoi pakhat, beram chal pakhat le kum khata upa beram tuoi pakhat;
82. suol inthawina dingin kel chal pakhat;
83. inremna inthawina dingin bawng chal pahni, beram chal panga, kel chal panga le kum khata upa beram tuoi panga dam a nih. Chuonghai chu Enan naupa Ahira thil inhlanhai chu a nih.
84. Hriek nala maicham an inhlan lawmnaa Israel pahnam tin luhai thil inhlanhai chu hieng hi a nih: tangkaruo thleng sawmpahni, tangkaruo maihun sawmpahni le rangkachak berbu sawmpahni a nih.
85. Tangkaruo thleng pakhat pei rikzie chu shekel za le sawmthum a na, tangkaruo berbu pakhat rikzie chu shekel sawmsari a nih. Hmun thienghlima hmang shekel anga inkhi chun tangkaruo thleng le berbu po po rikzie chu shekel sanghni le zalid a nih.
86. Hmun thienghlima hmang shekel anga inkhi chun rim inhnik thun sip rangkachak berbu sawmpahni rikzie chu shekel za le sawmhnie a nih.
87. Bu le bal thilhlan khom thang sain, pumraw inthawinaa ran an inhlan po chu bawng chal tuoi sawm le pahni, beram chal sawm le pahni, kum khata upa beram tuoi sawm le pahni a nih. Suol thawinaa ran an inhlan po po chu kel chal sawm le pahni a nih.
88. Inremna thilhlana ran an inhlan po po chu bawng chal sawmhni le pali, beram chal sawmruk, kel chal sawmruk, kum khata upa beram tuoi sawmruk a nih. Chuonghai chu hriek nala maicham an inhlan nia an thuoituhai thilpekhai chu a nih.
89. Chuongchun, Intuokna Puon ina LALPA be dinga Mosie a lut chun Thuthlung bawm chunga zangaina thungphaa cherubhai inkara inthok chun rawlin a hung biek ti a hriet a, a'n biekpui a.
←  Numbers (7/36)  →