←  Numbers (34/36)  →

---

1.

LALPA chun Mosie kuomah,

2.

"Israelhai chu thu pe la, hieng hin hril rawh: 'LALPAN rochana a pek cheu Kanan ram in hluo pha chu hieng ang hi a ramri ding chu ning a tih:

3.

Sim tieng ramri chu Zin thlalera inthokin Edom ramri zulah feng a tih. Sak tienga a'n tanna chu Tuipui Thi sim tawpa inthokin ning a tih.

4.

Chu taka inthok chun sim tieng pan a ta, Ainuvet Kawn tanin, Zin thlalerah, Kadesh Barnea chen feng a tih. Chu taka inthok chun hmar thlang tieng inherin, Hazar Addar hrawin, Azmon chen feng a ta,

5.

chu taka inthok chun inher a ta, Aigupta Ruom zui a ta, Mediterranean Tuipui-ah tawp a tih

6.

" 'Thlang tieng ramri chu Mediterranean Tuipui kam ning a tih. Chu chu tlak tienga in ramri ding chu a nih.

7.

" 'Hmar tieng ramri chu Mediterranean Tuipuia inthokin Hor tlang chen feng a ta

8.

chu taka inthok chun Hamat Kawna hrawng a ta, Zedad tieng fe pei a ta,

9.

Zifron tieng pan a ta, Hazar Enan-ah tawp a tih. Chu chu hmar tienga in ramri ding chu a nih.

10.

" 'Sak tieng ramri chu Hazar Enan-a inthokin Stefam chen ning a tih.

11.

Chu taka inthok chun Ain sak tienga um Ribla-ah tum thlang a ta, Galili Dil suo tieng kam pang perah feng a ta,

12.

Jordan vadung zui pei a ta, Tuipui Thi-ah tawp a tih. Chuonghai chu sak le thlang, sim le hmara in ramri ding chu a nih' ti rawh" a ta.

13.

Mosie chun Israelhai chu thu a pek a, "Ram in rochung ding chu thum vawrin insem ro. Hnam kuo le a chenve kuoma sem dingin LALPAN thu a pek a nih,

14.

Reuben pahnam, Gad pahnam le Manase pahnam chenve chun an chanvo ding chu an hluo ta si a.

15.

Hieng hnam hni le a chenve hai hin ni suokna tieng Jeriko zawn Jordan ral sak tienga an ram hluo ding chu an chang der tah a nih" a ta.

16.

LALPA chun Mosie kuomah,

17.

"Ram hluo ding thepektu ding cheu chu thiempu Eleazar le Nun-a naupa Josua ning an tih.

18.

Pahnam tin luhai chu a sempuitu dingin ruot rawh.

19.

Chuonghai hming chu: Juda hnama inthokin Jefune naupa Kaleb;

20.

Simeon hnama inthokin Amihud naupa Semuel;

21.

Benjamin hnama inthokin Kislon naupa Elidad;

22.

Dan hnama inthokin Jogli naupa Bukki;

23.

Josefa naupa Manase hnama inthokin Efod naupa Haniel;

24.

Josefa naupa Efraim hnama inthokin Shiftan naupa Kemuel;

25.

Zebulun hnama inthokin Parnak naupa Elizafan;

26.

Isakar hnama inthokin Azan naupa Paltiel;

27.

Aser hnama inthokin Selomi naupa Ahihud;

28.

Naftali hnama inthokin Amihud naupa Pedahel" tiin.

29.

Chuonghai chu Kanan rama Israelhai ram hluo ding sem dinga LALPAN thu a pekhai chu an nih.

---

←  Numbers (34/36)  →