←  Numbers (33/36)  →
1. Mosie le Aron inrawia Aigupta rama inthoka a pawl pawla an suok hnunga an fe pei dan chu hieng ang hin a nih.
2. LALPA thupek anga an fena pei Mosie rikawt dan chu hieng ang hin a nih:
3. Israelhai chu Ramases-a inthokin thla hmasa tak ni sawm le pangana, Fekan Kut zo chun Aigupta mihai mit hmua ngei ngampa takin an suok a.
4. LALPAN an nau lutir pasal po po a sukhlumpek chu an vui lai le an pathienhai khom LALPAN a hrem tum kha a nih.
5. Israelhai chun Ramases suoksanin Sukot-ah an inkul a.
6. Sukot an suoksan a, thlaler tontir Ethamah an inkul nawk a.
7. Etham suoksanin, Baal Zefon sak, Pi Hahirot tieng inher kirin Migdol bulah an inkul a.
8. Pi Hahirot suoksanin, Tuipui an kan a, thlalerah an lut a, Etham thlalerah ni thum an fe hnungin Mara hmunah an inkul a.
9. Mara suoksanin tuihnar sawm le pahni le tum thing sawmsari umna Elim an tlung a, chu taka chun an inkul a.
10. Elima inthok chun an suok a, Tuipui Sen bulah an inkul a.
11. Tuipui Sen chu suoksanin Sin thlalerah an inkul nawk a.
12. Sin thlaler an suoksan hnung chun Dofka-ah an inkul a.
13. Dofka suoksanin Alus-ah an inkul a.
14. Alus suoksanin mipui dawn ding tui a um nawna hmun Refedim-ah an inkul a.
15. Refedim suoksanin Sinai thlalerah an inkul a.
16. Sinai thlaler suoksanin Kibrot Hatava-ah an inkul a.
17. Kibrot Hatava suoksanin Hazerot-ah an inkul a.
18. Pi Hazerot suoksanin Ritmaah an inkul a.
19. Ritma suoksanin Rimon Perez-ah an inkul a.
20. Rimon Perez suoksanin Libna-ah an inkul a.
21. Libna suoksanin Risa-ah an inkul a.
22. Risa suoksanin Kehelatha-ah an inkul a.
23. Kehelatha suoksanin Sefer tlangah an inkul a.
24. Sefer tlang suoksanin Harada-ah an inkul a.
25. Harada suoksanin Makhelot-ah an inkul a.
26. Makhelot suoksanin Tahat-ah an inkul a.
27. Tahat suoksanin Tera-ah an inkul a.
28. Tera suoksanin Mitka-ah an inkul a.
29. Mitka suoksanin Hasmon-ah an inkul a.
30. Hasmon suoksanin Moserot-ah an inkul a.
31. Moserot suoksanin Bene Jakan-ah an inkul a.
32. Bene Jakan suoksanin Hor Hagidgad-ah an inkul a.
33. Hor Hagidgad suoksanin Jotbatha-ah an inkul a.
34. Jotbatha suoksanin Abrona-ah an inkul a.
35. Abrona suoksanin Ezion-geber ah an inkul a.
36. Ezion-geber suoksanin Zin thlaler, Kades an ti boka chun an inkul a.
37. Kades-a inthok chun Edom ram depa um Hor tlang an tlung a, chu taka chun umhmun an khuor a.
38. Thiempu Aron chu LALPA thupekin Hor tlanga chun a hang fe a, Aigupta rama inthoka Israel thlahai an suoka inthoka kum sawmlina, thla ngana ni khat ni chun chu taka chun a thi a.
39. Hor tlanga a thi chun Aron chu kum za le sawmhni le pathum a nih.
40. Kanan ram sim tienga um Arad lal, Kanan mi khomin Israelhai hung chu a lo hriet a.
41. Hor tlang chu suoksanin Zalmona-ah an inkul a.
42. Zalmona chu suoksanin Punon-ah an inkul a.
43. Punon chu suoksanin Obot-ah an inkul a.
44. Obot chu suoksanin Moab ramria Iye Abarim-ah an inkul a.
45. Iye Abarim chu suoksanin Dibon Gad-ah an inkul a.
46. Dibon Gad suoksanin Almon Diblathaim-ah an inkul a.
47. Almon Diblathaim suoksanin Nebo kawl Abarim tlangah an inkul a.
48. Abarim tlang suoksanin Jeriko zawn Jordan kam Moab phaiah an inkul a.
49. Jordan kam Bet Jesimota inthoka Abel Sitim chen chun an inzar a.
50. Jeriko zawn Jordan kam Moab phaia chun LALPAN Mosie a biek a,
51. "Israelhai inbiekpui la, hi thu hi hril rawh: Jordan vadung kana Kanan ram in lut pha chun,
52. chu rama um po po chu hnot suok unla, milem an ker po po le pathien lim an sung po po sukse vong un la, an hmun sanghai khom thiekpek vong ro.
53. Ram chu hluo unla, umhmun khuor ro, in hluo dinga ka pek cheu a nih.
54. In chi-hnam ang peiin thum vawrin ram chu insem ro. A sung ruol deuin chang lien hai sien, a sung tlawm deuin chang tlawm hai sien, thum vawra a tlukna tieng pei chu an chanpuol ning a ta, an pi le pua inthoka an chi-hnam ang peiin in sem ding a nih.
55. " 'A rama lo umhai chu hnot suok loa in inumtir chun, chuong mihai chu in mit kheitu le in nak suntu hlingah la hung inchang an ta, in umna rama buoina siempektu cheu la hung ning an tih.
56. Chu pha chun anni chunga thaw ka tum ruk chu nangni chungah thawng ka tih' ti rawh" a ta.
←  Numbers (33/36)  →