← Numbers (30/36) → |
1. | Mosie chun Israel pahnam tin thuoituhai kuomah, "Hi hi LALPA thupek chu a nih: |
2. | Miin LALPA kuomah thu intiemkamna a nei chun a thu sut loin a tiem ta po po chu a hlen ngei ding a nih. |
3. | "A pa ina la khawsa nunghakin LALPA kuomah thu intiemkamna a nei a, |
4. | a pain a'n tiemkamna chu a hriet a, ieng khom a hril si naw chun, a thu intiemkamna chu a hlen ngei ding a nih. |
5. | A pain a hriet hnunga a phal naw a ni ruok chun a thu intiemkamnaa inthok chun fihlim a ta, a pain a phal naw leiin LALPAN ngaidam a tih. |
6. | "Thu intiemkamna a nei zing lai ngaituo chik loa pasal a nei a, |
7. | a pasalin a hriet nia ieng khom a hril naw chun, a thu intiemkamna chu a hlen ngei ding a nih. |
8. | Amiruokchu, a pasalin a hriet nia a phal naw a ni chun dawn sei loa thu a lo intiemkamnaa inthok chun fihlim a ta, LALPAN ngaidam a tih. |
9. | Hmeithai amanih, mak tuok amanih hai chun an thu intiemkamna chu an hlen ngei ding a nih. |
10. | A pasal le in khata um nuhmeiin thu tiem amanih intiemkamna amanih a nei a, |
11. | a pasalin a hriet hnunga ieng khom a hril si naw chun, a thu intiemkamna chu a hlen ngei ding a nih. |
12. | Amiruokchu, a pasalin a hriet nia a thiek chun a thu intiemkamna chu sut ni tang a tih, a pasalin a sutpek leiin LALPAN ngaidam a tih. |
13. | A thu intiemkamna hrim hrim chu a pasalin a remtipui thei a, a sutpek thei bok. |
14. | Amiruokchu, a pasalin a hriet a, ieng khom a hril naw chun a thu intiemkamna ang chun a thaw ngei ding a nih; a hriet nia inthoka a tosan leiin a namnghetpui tina a nih. |
15. | A pasalin a hriet hnunga a sutpek a ni ruok chun a pasal chun a maw chu phur a tih," a ta. |
16. | Chuonghai chu nuhmei pasal nei lo, pahai ina la um amanih, pasal nei laiin amanih intiemkamna an nei chungthua thaw dan ding LALPAN Mosie a pekhai chu an nih. |
← Numbers (30/36) → |