←  Numbers (29/36)  →

---

1.

" 'Thla sarina, ni khat ni chun sin thaw loa umni khamin inkhawmpui thienghlim nei in ta, chu ni chu in ta dinga tawtawrawt mut ni a nih.

2.

LALPA ta dingin pumraw thilhlan, rim inhnik buotsai unla, bawngchal tuoi pakhat, beramchal pakhat le beramchal tuoi pasarih, kum khata upa le hmel hem lo chu inhlan ro.

3.

Bawngchal pakhat peiah bu le bal thilhlana dingin beiphit, oliv hriek le hmet pol kilogram thum, beramchala dingin beiphit kilogram hni pei,

4.

beramchal tuoi pakhat peia dingin beiphit kilogram khat pei inhlan ro.

5.

In ta dinga inremna siemna dingin kelchal pakhat inhlan sa bok ro.

6.

Hieng thilhlanhai hi thla tin le ni tina pumraw thilhlan dam, bu le bal thilhlan dam le dawn thilhlan, thaw dan ding tuk ta sa hai baka thilhlan chu a nih. Meia LALPA ta dinga thilhlan, rim inhnik chu a nih.

7.

" 'Thla sarina ni sawma chun inkhawmpui thienghlim nei ro. Ieng khom fain dawn naw unla, sin thaw bok naw ro.

8.

LALPA ta dinga rim inhnik, pumraw thilhlanah bawngchal tuoi pakhat, beramchal pakhat le beramchal tuoi kum khat mi pasari, an renga hmel hem lo chu, inhlan ro.

9.

Bu le bal thilhlana dingin beiphit indip tak, oliv hriek le hmet pol chu bawngchal pakhatah kilogram thum, beramchal pakhatah kilogram hni,

10.

beramchal tuoi pakhat peiah kilogram khat inhlan ro.

11.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

12.

" 'Thla sarina ni sawm le ni ngana chun inkhawmpui thienghlim nei unla, sin ieng khom thaw naw ro. LALPA ta dingin ni sari sung kut in hmang ding a nih.

13.

LALPA ta dinga rim inhnik, pumraw thilhlanah bawngchal tuoi sawmpathum, beramchal pahni le beramchal tuoi kum khat mi sawm le pali, an renga hmel hem lo chu inhlan ro.

14.

Bawngchal tuoi pakhat peia dingin bu le bal thilhlana ding, oliv hriek le hmet pol, beiphit indip tak kilogram thum, beramchal pakhat peiah kilogram hni le

15.

beramchal tuoi pakhat peiah kilogram khat buotsai ro.

16.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

17.

" 'A ni hninaa dingin bawngchal tuoi sawmpahni, beramchal pahni le beramchal tuoi, kum khata upa sawmpali, an renga hmel hem lo vong chu inhlan ro.

18.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

19.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

20.

" 'A ni thumna dingin bawngchal tuoi sawmpakhat, beramchal pahni le beramchal tuoi, kum khata upa sawm le pali, an renga hmel hem lo vong chu inhlan ro.

21.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

22.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

23.

" 'A ni linaa dingin bawngchal tuoi sawm, beramchal pahni le beramchal tuoi, kum khata upa sawm le pali, an renga hmel hem lo vong chu inhlan ro.

24.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

25.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

26.

" 'A ni nganaa dingin bawngchal tuoi pakuo, beramchal pahni le beramchal tuoi, kum khata upa sawm le pali, an renga hmel hem lo vong chu inhlan ro.

27.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

28.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

29.

" 'A ni ruknaa dingin bawngchal tuoi pariet, beramchal pahni le beramchal tuoi, kum khata upa sawm le pali, an renga hmel hem lo vong chu inhlan ro.

30.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

31.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

32.

" 'A ni sarinaa dingin bawngchal tuoi pasari, beramchal pahni le beramchal tuoi, kum khata upa sawm le pali, an renga hmel hem lo vong chu inhlan ro.

33.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

34.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

35.

" 'A ni rietnaa chun umni khamin inkhawmpui thienghlim nei unla, sin ieng khom thaw naw ro.

36.

LALPA ta dinga meia thilhlan le rim inhnik, pumraw thilhlana dingin bawngchal pakhat, beramchal pakhat le beramchal tuoi pasarih, kum khata upa le an renga hmel hem lo vong chu inhlan ro.

37.

Bawngchal le beramchal le beramchal tuoi pakhat peia bu le bal thilhlan le dawn thilhlana inhlan ding bituk zat ang pei chu buotsai ro.

38.

Inremna dinga suol thawina thilhlan, pumraw thilhlan, bu le bal thilhlan le dawn thilhlan pangngai hrim bakah suol thawina dingin kelchal pakhat inhlan sa bok ro.

39.

Hienghai hi mania thu in intiemkamna hlenna dinga thil in inhlan le mani puok suoka thilpek inhlanhai baka a hunbi neia kut in hmang phaa pumraw thilhlan, bu le bal thilhlan, dawn thilhlan le inremna inthawina thilhlan in buotsai dan ding chu a nih' ti rawh" tiin.

40.

LALPAN a kuoma thu a pek po po chu Mosie chun Israelhai a hril a.

---

←  Numbers (29/36)  →