Numbers (28/36)  

1. Chun, LALPAN Mosie a biek a,
2. "Israel thlahai kuomah thu pe la, a hun ruot takah ka kuoma thilhlan, meia thilhlan le bu le bal thilhlan, ka ta dinga riminhnik chu an inhlan hlak ding a nih.
3. Hieng hin hril rawh: Hi hi LALPA kuoma meia pumraw thilhlan in inhlan ding chu a nih: ni tinin beramchal tuoi, kum khata upa le hmel hem lo pahni a ni ding a nih.
4. Zing tieng pakhat inhlan unla, zan tieng pakhat inhlan ro.
5. Bu le bal thilhlan, beiphit indip tak kilogram khat, hriek a sawra sawr litar khat le hmet pol le chun in inhlan hmun khat ding a nih.
6. Hi hi LALPA ta dinga meia thilhlan, a ta dinga rim inhnik, Sinai tlanga inthoka an lo thaw tan tah chu a nih.
7. Dawn ding thilhlan chu beram pakhat peiah litar khat a ni ding a nih. Uoiin tak chin chu hmun thienghlimah LALPA hmaah in bun suok ding a nih.
8. Zan tienga beram in inhlan chu zing tienga in thaw ang bokin, dawn thilhlan leh inhlan ro. Hi hi meia thilhlan, LALPA ta dinga rim inhnik chu a nih.
9. " 'Sabat pha beram tuoi pahnih, kum khata upa le hmel hem lo inhlan un la, bu le bal thilhlana dingin beiphit indip tak, oliv hriek le hmet pol kilogram hni le dawn thilhlan chu inhlan sa bok ro.
10. Ni tina pumraw thilhlan le dawn thilhlan bakah hi hi Sabat zata pumraw thilhlan in inhlan ding chu a nih.
11. " 'Thla thar ni hmasa takah LALPA kuoma pumraw thilhlanah bawngchal tuoi pahnih, beramchal pakhat le beramchal tuoi pasarih, kum khata upa le hmel hem lo inhlan ro.
12. Bawngchal pakhat peiah bu le bal thilhlana dingin beiphit kilogram thum,
13. beram pakhat peiah kilogram hni le beramchal tuoi pakhat peiah kilogram khat inhlan ro. Hi hi pumraw thilhlan, LALPA ta dinga meia thilhlan, rim inhnik chu a nih.
14. Bawngchal pakhat peiah dawn thilhlan uoiin litar hni, beramchal pakhat peiah uoiin litar khat le a chenve le beramchal tuoi pakhat peiah uoiin litar khat a ni ding a nih. Hi hi thla thar ni khat zata pumraw thilhlan in inhlan dan ding chu a nih.
15. Pumraw thilhlan le dawn thilhlan pangngai bakah, LALPA kuoma suol thawina thilhlanah kelchal pakhat in inhlan bok ding a nih.
16. Thla hmasa tak ni sawm le ni liah LALPA Fekan Kut in hmang ding a nih.
17. Chu thla ni sawm le ni nga ni chu ruoi the ni ning a ta, ni sari sung chu chol thang lo bei chauh fa ro.
18. A ni khat ni chun inkhawmpui thienghlim nei unla, ieng sin khom in thaw ding a ni nawh.
19. LALPA kuoma pumraw thilhlan, meia thilhlanah bawngchal tuoi pahnih, beramchal pakhat le beramchal tuoi pasarih, kum khata upa le hmel hem lo chu inhlan ro.
20. Bawngchal pakhat peiah bu le bal thilhlana dingin beiphit, oliv hriek le hmet pol, kilogram thum, beramchal pakhat peiah beiphit kilogram hni,
21. beramchal tuoi pakhat peiah kilogram khat inhlan ro.
22. Mipuihai ta dinga inremna siempekna dingin, suol thawina thilhlanah kelchal pakhat inhlan bok ro.
23. Hi hi zing tienga pumraw thilhlan pangngai in inhlan bakah buotsai ro.
24. Hieng ang hin LALPA ta dinga rim inhnik, bu le bal thilhlan chu ni tin, ni sa ri sung in inhlan ding a nih; chu chu pumraw thilhlan le dawn thilhlan in thaw pangngai baka in buotsai ding chu a nih.
25. A ni sarinaa chun inkhawmpui thienghlim nei unla, sin ieng khom in thaw ding a ni nawh.
26. Chun, in tharsuok hmasa tak in inhlan hun, Hapta Kuta in bu thar suokhai in inhlan ni chun inkhawmpui thienghlim nei unla, ieng sin khom thaw naw ro.
27. Pumraw thilhlana dingin bawngchal tuoi pahnih, beramchal pakhat le beramchal tuoi pasarih, kum khata upa le hmel hem lo chu LALPA ta dinga rim inhnikah inhlan ro.
28. Bawngchal pakhat peiah bu le bal thilhlana dingin beiphit, oliv hriek le hmet pol kilogram thum, beram pakhat peiah beiphit kilogram hni,
29. beramchal tuoi pakhat peiah beiphit kilogram khat, inhlan ro.
30. In ta dinga inremna siemna dingin kelchal pakhat suol thawina dingin inhlan sa ro.
31. Hienghai hi pumraw thilhlan le bu le bal thilhlan pangngai hrim bakah dawn thilhlan leh inhlan dingin buotsai ro. In ran inhlanhai chu hmel hem lo a ni ngei ding a nih.

  Numbers (28/36)