←  Numbers (23/36)  →

---

1.

Balaam chun Balak kuomah, "Hi taka hin maicham pasari mi bawlpek la, bawngchal pasari le beramchal pasari mi buotsaipek bok rawh" a ta.

2.

Balak chun Balaam hril ang chun a thaw a, an pahni chun maicham pakhat peiah bawngchal le beramchal an inhlan a.

3.

Balaam chun Balak kuomah, "I thilhlan bula hin lo ngir zing la, kei chu va fe hrang ka ta, mi be dingin LALPA a hung el thei a, ka kuoma a puong taphot chu hril ka ti che" a ta. Chuongchun, tlang kol vungah a hang fe a.

4.

Pathienin Balaam chu a lo inhmupui a. Balaam chun, "Maicham pasari ka buotsai a, maicham tinah bawngchal le beramchal ka'n hlan a nih," a ta.

5.

LALPA chun Balaam bauah thu a sie a, a kuomah, "Kir nawk ta la, hi thucha hi Balak kuomah hril rawh," a ta.

6.

Chuongchun a kir nawk a, maicham sira chun ama le Moab mi lienhai po po chu an lo ngir a.

7.

Balaam chun hrillawkna thu chu a puong suok ta a:Aramk a'nthok Balakin a mi hung thuoi,Sak tlang rama Moab lal chun;'Hung la, Jakob sungkuohai chuKa ta din tongsie inphur la,Israel chu hnawl hmang rawh' tiin.

8.

LALPAN tongsie a'n phur naw chu,Ieng tin am inphur thei ka ta?LALPAN a hnawl si lo hai chu,Ieng tin am hnawl thei ka ta?

9.

Lung tolawta inthokin ka hmu phak a,Tlang sipa inthokin ka thlir tawl:A hlanga um ding hnam an na,Hnam dang ang an ni ve nawh;

10.

Jakob thla pilvut zat hiel chu,Tuin am tiem zo thei an ta?Israelhai hmun lia thea hmun khat khom,Tu in am inchik zo seng an ta?Mi fel thiin mi'n thitir rawh,An tawpna anga tawp ve ka nuom!"tiin.

11.

Balak chun Balaam kuomah, "I mi thaw dan hi ieng tizie am an ta a? Ka hmelmahai tongsie inphur dingin ka hung inthuoitir che a, chuong chu thaw ta nekin mal i sawm ta hlauh lem a!" a ta.

12.

Balaam chun, "LALPAN ka baua thu a sie chu ka hril suok naw dim a ni?" tiin a don a.

13.

Chun, Balak chun a kuomah, "Hmun dangah feng ei ta, chu taka inthok chun hmu thei tawl i tih. An umna chin po po hmu thei i ta, an reng chun hmu vong kher naw ti nih. Chu taka inthok chun tongsie i mi'n phurpek ding a nih" a ta.

14.

Chuongchun, Pisga tlang sipa khaw thlirna Zofima chun a thuoi a, chu taka chun maicham pasari a siem a, maicham tina chun bawngchal le beramchal a'n hlan seng a.

15.

Balaam chun Balak kuomah, "Saw laia LALPA ka va biek karin i thilhlan bula hin lo um rawh" a ta.

16.

LALPA chun Balaam chu a'n hmupui a, a bauah thu a sie a, "Kir nawk ta la, Balak kuomah hi thucha hi hril rawh," a ta.

17.

Chuongchun a kir nawk a, maicham sira chun ama le Moab mi lienhai po po chu an lo ngir a. Balak chun, "LALPA chun iem a hril che leh?" a ta.

18.

Chuongchun, a hrillawkna chu a puong ta a:"Balak, tho la, ngaithla rawh,Zipor naupa, ka thu ngai rawh;

19.

Pathien chu mihriem ang a,Khel hril hlak mi a ni nawh;Mihriem nauhai anga lungril,Thlak el hlak mi a ni bok nawh.Hril sia thaw ngai lo a ni?Thu tiem hlen ngai lo a ni?

20.

Malsawmpek di'n thu ka hmu a,Mal a sawm ta sa hrim an na,Keiin chu chu ka sut thei nawh.

21.

Jakob ta din sietna ka hmu nawh,Israel ta din buoina ka hmu nawh;LALPA an Pathienin a umpui a,Anni lai Lal rawl an ri zing;

22.

Pathienin Aiguptaa inthokin,Anni chu a hung thuoi suok a,Ramsiel anga tha hrat an nih;

23.

Jakob chu dawi hne ruol lo,Israel chu ai ieng ang khoma,Hang ngam ruol ding a ni nawh.Jakob le Israel chungthua chu,"Pathienin a va thawpek nasa de!",Ti hi mihai hril tak ning a tih.

24.

Keipui angin mipui an tho,Keichal angin an hung tho suok;An sa se a fak zo hma chun,A thisen a liek kawl hma chun,Chawlin bok nawk ngai naw nih"tiin.

25.

Balak chun Balaam kuomah, "Tongsie i'n phur der naw a ni khomin mal chu a te hlek khom sawmpek lul naw rawh" a ta.

26.

Balaam chun, "LALPA hril ang ang chu ka thaw ding a nih ti ka hril ta che a ni naw am a ni?" tiin a don a.

27.

Chun, Balak chun Balaam kuomah, "Hung rawh, hmun dangah thuoi nawk ka ti che, chu taka inthok chun tongsie i mi'n phurpek Pathienin a remti hlauh takah" a ta.

28.

Balak chun thlaler zuk thlir theina tlang Peor tlang sipa chun Balaam chu a thuoi a.

29.

Balaam chun, "Maicham pasari mi siempek la, bawngchal pasari le beramchal pasari mi buotsaipek bok rawh" a ta.

30.

Balak chun Balaam ti ang chun a thaw a, maicham tina chun bawngchal pakhat le beramchal pakhat a'n hlan a.

---

←  Numbers (23/36)  →