Nehemiah (7/13)

← Nehemiah (7/13) →

Kul kan indin zo a, kotkharhai kan inbuk zo hnung chun kotkhar vengtu hai, hla saktu hai le Levi hai chu an thaw ding seng ka ruotpek a.

Ka unaupa Hanani, mi ringum le Pathien tina tienga mi tam lem khum zo le kulbinga kawmandar Hanania hai chu Jerusalem optu dingin ka ruot a.

An kuomah, "Jerusalem kotpuihai hi zing tieng nisa a hung inkang hma chu hong naw unla,e zan tieng ni tlak pha, kotkhar vengtuhai an la um lai zingin khar unla, a kothai hi kal vong ro. Jerusalem mihai laia mi khaw vengtu ruot unla, ngun takin veng raw hai se. A then chu hmun ruot bikah diuti hai sien, a then ruok chun mani in bul vel seng veng raw hai se" tiin ka hril a.

Khawpui chu a lienin a la'n thawl a, mi cheng an la tlawm a, in tlu se tahai chu bawl loin a la um zing a.

Mi lunhai, roreltuhai le vantlang mipuihai chu ko khawm a, mani sungkuo senga ziek lut dingin Pathienin ka lungrilah a mi'n hriettir a. Judai rama hung kir nawk hmasa takhai inthla dan ziekna lekhabu ka hmu suok a, chu taka chun hieng ang hin an ziek a:

Sala Babulon lal Nebukadnezzarin a thuoihai laia an sal intangnaa inthoka suok, Jerusalem le Judai rama mani khuo senga kir nawk a, chu rama cheng tahai le

an thuoituhai chu Zerubabel, Jesua, Nehemia, Azaria, Raamia, Nahamani, Mordekai, Bilsan, Misperet, Bikvai, Nehum le Baana hai an nih. Israel thla saltang hung kirhai chu,

Paros thlahai sanghni zakhat sawmsari pahnih;

Sefatia thlahai zathum sawmsari pahnih;

10.

Ara thlahai zaruk sawmnga pahnih;

11.

Pahat-Moab thlaa mi (Jesua le Joab zungzama mi) sanghni zariet sawm le pariet;

12.

Elam thlahai sangkhat zahni sawmnga pali;

13.

Zatu thlahai zariet sawmli panga;

14.

Zakai thlahai zasari sawmruk;

15.

Binui (Bani) thlahai zaruk sawmli pariet;

16.

Bebai thlahai zaruk sawmhni pariet;

17.

Azgad thlahai sanghni zathum sawmhni pahnih;

18.

Adonikam thlahai zaruk sawmruk pasarih;

19.

Bikvai thlahai sanghni sawmruk pasarih;

20.

Adin thlahai zaruk sawmnga panga;

21.

Ater thlahai (Hezekia zungzama mi) sawmkuo pariet;

22.

Hasum thlahai zathum sawmhni pariet;

23.

Bezai thlahai zathum sawmhni pali;

24.

Harif (Jora) thlahai za sawmpahnih le

25.

Gibeon (Gibar) thlahai sawmkuo panga.

26.

Bethlehem mi hung kir nawk hai: Netofa thlahai za sawmriet pariet;

27.

Anathot thlahai za sawmhni pariet;

28.

Bet Azmavet khaw mihai sawmli pahnih;

29.

Kiriat Jearim, Kefira le Beerot khaw mihai zasari sawmli pathum;

30.

Rama le Geba khaw mihai zaruk sawmhni pakhat;

31.

Mikmas khaw mihai za sawmhni pahnih;

32.

Bethel le Ai khaw mihai za sawmhni pathum;

33.

Nebo khaw danga mihai sawmnga pahnih;

34.

Elam khaw danga mihai sangkhat zahnih sawmnga pali;

35.

Harim khaw mihai zathum sawmhnih;

36.

Jeriko khaw mihai zathum sawmli panga;

37.

Lod, Hadid le Ono khaw mihai zasari sawmhni pakhat;

38.

Senaa khaw mihai sangthum zakuo sawmthum an nih.

39.

Thiempu hung kir nawkhai chu: Jedaia sungkuoa mi (Jesua zungzama inthok) zakuo sawmsari pathum;

40.

Imer thlahai sangkhat sawmnga pahnih;

41.

Pasur thlahai sangkhat zahnih sawmli pasarih;

42.

Harim thlahai sangkhat sawm pasarih an nih.

43.

Levi thlaa mi hung kir nawkhai chu: Jesua le Kadmiel sungkuoa mi (Hodavia thlahai) sawmsari pali;

44.

Asaf sungkuoa mi hla saktu pawl za sawmli pariet;

45.

Kotkhar vengtu Salum, Ater, Talmon, Akub, Hatita le Sobai hai sungkuoa mi za sawmthum pariet an nih.

46.

Tempul siehlaw hung kir nawkhai chu Ziha, Hasufa, Tabaot,

47.

Keros, Siaha (Sia), Padon,

48.

Lebana, Hagaba, Salmai,

49.

Hanan, Gidel, Gahar,

50.

Reaia, Rezin, Nekoda,

51.

Gazam, Uzia le Pasea

52.

Besai, Meunim, Nefusim (Nefusesim),

53.

Bakbuk, Hakufa, Harhur,

54.

Bazlut, Mehida, Harsha,

55.

Barkos, Sisera, Tema,

56.

Nezia le Hatifa hai an nih.

57.

Lal Solomon siehlawhai thlaa mi hung kir nawk chu Sotai, Soferet, Peruda (Perida),

58.

Jala, Darkon, Gidel,

59.

Sefatia, Hatil, Pokeret-hazebbaim le Ami (Amon) an nih.

60.

Tempul siehlaw le Solomon siehlaw hung kir nawkhai po chu an rengin zathum sawmkuo pahnih an nih.

61.

Hieng Tel Mela, Tel Harsa, Kerub, Adon le Imer khuohaia inthoka Jerusalema hung kir an um a, sienkhom an sungkuo chanchin inziekna lekha an hmu zo naw leiin Israel thlahai lai tiem sa thei an ni nawh.

62.

Chuonghai chu Delaia, Tobia le Nekoda thlaa inthokin mi zaruk sawmli pahnih an na,

63.

thiempu laia inthokin Hobaia, Hakoz le Barzilai thlahai an nih (Barzilai hin Gilead mi Barzilai sungkuoa mi nuhmeiah a nei a, a nuhmeihai tieng hming a put ta lem a nih).

64.

Hienghai hin an thlatuhai suina an zong hmu naw leiin thiempu sin thaw dingin thienghlim loa ngai an nih.

65.

Urim le Thumim hmanga LALPA rawn thei thiempu an nei hma khat chu ram optu chun anni chu thiempuhai chan thil serhai chu an fak ve khom a phal nawh.

66.

Judai rama hung kir po po chu mi singli sanghni zathum sawmruk an nih.

67.

Chuonghai baka chun nuhmei le pasal siehlaw sangsari zathum sawmthum pasarih le hla saktu za sawmli panga an hung bok a.

68.

Ran an hung thuoi zat chu sakor zasari sawmthum paruk, sabengtung lien chi zahni sawmli panga,

69.

sanghawngsei zali sawmthum panga le sabengtung chin chi sangruk zasari sawmhnih a nih.

70.

Sungkuo lukhaitu thenkhatin Tempul bawlna dingin thawlawm an hung pek a. Ram optu chun thawlawmah rangkachak kilogram riet, rangkachak maihun sawmnga le thiempu zakuo zanga le sawmthum a pek a.

71.

Hotu danghai chun rangkachak kilogram za le sawmruk le pariet le tangkaruo kilogram sangkhat le zahni le sawmnga an pek a.

72.

Sungkuo lukhaitu iemani zatin rangkachak kilogram za le sawmruk le pariet le tangkaruo kilogram za le sawmli le thiempu zakuo sawmruk le pasari an pek bok a.

73.

Chuongchun, thiempu hai, Levi hai, kotkhar vengtu hai, hla saktu hai, tempul siehlaw hai, mi dang thenkhat hai le Israel thla hai po po chu mani khuo sengah umhmun an bengbel nawk ta a.

← Nehemiah (7/13) →