Nehemiah (12/13)

← Nehemiah (12/13) →

Sealtiel naupa Zerubabel le Jesua rawia saltang hung kir thiempuhai le Levihai chu hienghai hi an nih: Thiempuhai chu Seraia, Jeremia, Ezra,

Amaria, Maluk, Hatus,

Sekania, Rehum, Meremot,

Ido, Ginethon, Abhija,

Mijamin (Miniamin), Moadia, Bilga,

Semaia, Joiarib, Jedaia,

Salu, Amok, Hilkia le Jedaia hai an nih. Anni hi Jesua hun laia thiempuhai lukhaitu le an inthloppui hai chu an nih.

Levihai chu Jesua, Binui, Kadmiel, Serebia, Juda le lawm thu hrilna inkhawma hla saktuhai inrawitu Matania le a unauhai,

Bakbukia le Uni le an unauhai, inkhawmnaa anni epa ngir hlakhai chu an nih.

10.

Jesua chu Joiakim pa a na, Joiakim chu Eliasib pa a na, Eliasib chu Joiada pa a na,

11.

Joiada chu Jonathan pa a na, Jonathan chu Jadua pa a nih.

12.

Hienghai hi Joiakim dam laia thiempu sungkuoa lukhaituhai chu an nih: Seraia sungkuoah Meraia; Jeremia sungkuoah Hanania;

13.

Ezra sungkuoah Mesulam; Amaria sungkuoah Jehohanan;

14.

Maluk sungkuoah Jonathan; Sekania (Sebania) sungkuoah Josefa;

15.

Harim sungkuoah Adna; Meremot (Meraiot) sungkuoah Helkai;

16.

Ido sungkuoah Zekaria; Ginethon sungkuoah Mesulam;

17.

Abija sungkuoah Zikri; Miniamin sungkuoa le Moadia sungkuoah Piltai;

18.

Bilga sungkuoah Samua; Semaia sungkuoah Jehonathan;

19.

Joiarib sungkuoah Matenai; Jedaia sungkuoah Uzi;

20.

Salu sungkuoah Kalai; Amok sungkuoah Eber;

21.

Hilkia sungkuoah Hasabia; Jedaia sungkuoah Nethanel hai an nih.

22.

Thiempu laltak Eliashib hai, Joiada hai, Johanan hai le Jadua hai hun laia Levihai sungkuoa lukhaituhai le thiempuhai chu Persia lal Daria inlal laiin fel takin rikawt an siem a.

23.

Eliasib tupa Johanan dam lai huna inthok chauin Levi chihai chu an sungkuoa lukhaituhai hming sui suoka ziek fel a nih.

24.

Chu taka chuong Levi sungkuoa lukhaituhai chu Hasabia hai, Serebia hai, Kadmiel naupa Jesua hai le an unauhai, Pathien mi Davida'n a lo ruot anga lawmthu hril inkhawma a pawl pawl indota tongtai le hla saktu dinga anni rawi epa ngir hlak hai chu an nih.

25.

Kotkhar vengtuhai laia kotpui bula rosum siekhawmna pindanhai vengtu chu Matania hai, Bakbukia hai, Obadia hai, Mesulam hai, Talmon hai le Akub hai an nih.

26.

Hienghai po po hi Jozadak naupa Jesua, chu naupa Joiakim hai, ram optu Nehemia hai le thiempu le lekha ziektu Ezra hai hun laia rongbawltuhai chu an nih.

27.

Jerusalem kul thar inhlan nia darbenthek le perkhuong le tingtang rema lawmthu hrilna le inpakna hlahai hlim taka saktu dingin a ram sunga um Levi chia mihai po po chu an incha khawm a.

28.

Levi chia hla sak mi, Jerusalem le a sevela umhai le Netofat mihai khuo hrang hranga inthok chun an hung fuon khawm a.

29.

A then chu Bet-gilgal le Geba le Azmavet vela inthokin an hung bok a.

30.

A hmasa takin thiempuhai le Levihai chu an inhlan thienghlim hmasa phot a, chu zoah mipuihai le kul kotpuihai le banghai chu an inhlan thienghlim a.

31.

Judai rama thuoituhai chu kul bang chung zawla chun ka thuoi a, inpakna hla saktu ding pawl hni tam tham tak ve ve ka ruot a. Zaipawl pakhat chu kul bang chung zawla chun sim tieng Hnawlhnok Kotkharpui tieng an pan a,

32.

Hosaia le Judai ram thuoitu a zatvein an zui a,

33.

chuonghai lai chun Azaria hai, Ezra hai, Mesulam hai,

34.

Juda hai, Benjamin hai, Semaia hai le Jeremia hai an thang a,

35.

tawtawrawt muttu thiempuhai khom an thang sa bok a. Anni hnunga chun Asaf thlaa mi Zakur, chu naupa Mikaia, chu naupa Matania, chu naupa Semaia, chu naupa Jonathan, chu naupa Zekaria chun a zui a.

36.

Chu zoah Zekaria thokpui Semaia hai, Azarel hai, Milalai hai, Gilalai hai, Maai hai, Nethanel hai, Juda hai le Hanani hai chun hnung an dal a. Lekha ziektu Ezra-in hma a thuoi a, Pathien mi Davidan rimawi hmangruo a lo ruot ang char chu an tum a.

37.

Tuikul Kotkharpuia inthok chun Davida khawpui tieng kailawnah an pan tung a, Davida in chu an fe khel a, sak tienga Tuikul Kotkharpuia chun an fe kuol a.

38.

Anni intuokpui dingin zaipawl pahnina chu hmar tieng pangah an fe kuol a, kei le mipui a zatvein kan zui a, kul bang chung zawlah Thuk Insang fe thlengin Bang Sei chung zawl kan hraw a,

39.

khawpui hlui kotsuoa Efraim Kotkharpui chung zawlah, chu zoah Nga Kotkharpui chung zawlah fein, Hananel Insang fe pelin Za Insang tieng kan pan a, fepeiin Beram Kotkharpui kan pel a, Kotkhar vengtuhai kotpui chen kan fe a.

40.

Inpakna hla saktu zaipawl pahnihai chun Pathien Tempul an pan a, an hmun dinga ruota chun an ngir a, kei le roreltu a zatve chun kan zui lut a.

41.

Tawtawrawt chawi thiempu Eliakim hai, Maaseia hai, Miniamin hai, Mikaia hai, Elioenei hai, Zekaria hai le Hanania hai le

42.

hla saktu Maaseia hai, Semaia hai, Eleazar hai, Uzi hai, Jehohanan hai, Malkija hai, Elam hai le Ezer hai khom chu an lut a, zaipawl thuoitu Jezrahia inrawina hnuoiah rimawi remin, inring tak le fie takin hlapawl an sak a.

43.

Chu ni hlimuma chun inthawina tam tak an inhlan a, Pathienin hlimna nasa tak a pek a. Nuhmei le naupanghai khom a lawmnaa chun an thang a, Jerusalema an hlim ri chu hla taka inthok khomin hriet phak a nih.

44.

Chu ni chun thilpek hai, lo tharsuok hmasa tak hai le sawma pakhat hai siekhawmna pindanhai enkoltu ding an ruot a, anni chun danin a phut anga chuong thilhai chu loa inthoka thiempuhai le Levihai ta dinga la khawm dingin mawphurna an lak a, Judai ram mi po poin thiempuhai le Levihai rongbawlna chu an hlutpui si a.

45.

Davida le a naupa Solomon thupek angin, hla saktuhai le kotkhar vengtuhai khomin Pathien rong an bawl dan ding le an insukthienghlim dan ding chu an zawm a.

46.

Pathien kuoma lawm thu hrilna le inpakna hla an sak phaa zaipawl thuoitu an nei hlak chu kha hmaa Davida le Asaf hun lai daia an lo thaw tan tah a nih.

47.

Zerubabel dam lai le Nehemia dam lai chen khom hla saktuhai, kotkhar vengtuhai le Levihai fak ding chu mipuiin an hung tumpek hlak a. Chun, Levihai chun an chana inthokin Aron thlaa mi thiempuhai chanvo ding chu an sie hrangpek nawk hlak.

← Nehemiah (12/13) →