←  Nahum (2/3)  →

---

1.

Aw Ninevi,A runtu ding che a hung.Kulbing veng la, Lampui veng la,Insingsa la,Takchapa tiin thang rawh.

2.

Israel ropuina ang bokin,Jakob ropuina khom chu,Suksetuhaiin sukramin,A grep kung suktlaran sien khom,LALPA chun tungding a tih.

3.

A sipaihan phaw sen an chawi,A sen larin an inthuom a.An tawlailir buotsai ni chun,A thirhai chu a tle zok zok a,Far fei ngul an chawi fuk a.

4.

Tawlailirhai chu kotthlerah,A suk a tungin an tlan a,Meiser angin an inhlap a,Kawl angin an inlep zok zok.

5.

A mi huoi thlanghai a ko a,Tlu nok nokin an hung tlan a.Kul bei dingin an baw rok rok a,An inphenna ding an siem a.

6.

Va kam ep kot chu an hong a,Lal in chu a tlu ta ruop a.

7.

A khuoa cheng po po chu,Sala thuoi di'n thu an pek a,aBawinuhai chun awm inchumin,Vathu angin an inrum a.

8.

Ninevi mihai chu dil sat the ang elin,An te huk a, an tlanse hum hum a,"Ngir ro, ngir ro" tiin an khek a,Ngha kir tu khom an um nawh.

9.

Rallak sum inchu unla,Tangkaruohai kha la ro!Rangkachakhai kha la ro!A rosum hauzie hlak chu,Hril ngaina khom a um nawh!

10.

An rok a, an suom a,Saruok kelin an siem a!An lung a zop a, an khup a zoi,An kawng a'n thin hlop hlop a,An hmel a dang zo vong tah.

11.

Sakeibakneihai bu zawl,Ti nei loa an khawsakna,Keipui le keichal ruolin,An tehai an chawm tleina chu,Khaw lai am a um ta a?

12.

Keichalin a tehai chawmna khop,A sa se a bum rem rum a,A koppui chawmna dingin,A sa man chu a rek hlum a,A puk chu a sa sein a hnaw sip a,A bu zawl chu sa ruong ngotin.

13.

Iengkim LALPA chun,"Ngai ta, ka do che a nih.I tawlailirhai chu khu lui luiin,Ka raw hmang vong ding a na,I tehai kawlhnamin that an ta,Hnuoia hin sa se ding hrim,Maksanpek nawng ka ti che.I palaihai rawl hrim hrim,Hriet ni ta ngai der naw nih" Tiin a lo puong ta si a.

---

←  Nahum (2/3)  →