←  Micah (7/7)

---

1.

Mi rimsi ka va hang ni ngei de!Nipui thei an lo vong hnung,Grep ra an lawr vong hnunga,Lo thel zonga fe ang ka nih;Ka chak em em grep hmin leTheichang hmin a um ta nawh.

2.

Pathien ngaisak mi po po chu,A rama inthokin an phit fai a,Mi indik an um ta der nawh.Inthat tumin an inchan tuo a,An unauhai chu man tumin,Len chawiin an inve tuo a.

3.

Thil tha naw thawna dingin,An kuthai a chemkal a.Hotuin thilpek an phut a,Roreltuhan thamna an ngiet a,Thilthawtheihan an dit danin,Iengkim mi an hnaw lui a,Inthukopin thil an phier a.

4.

An mi tha tak khom buor ang a na,Anni laia mi indik tak chu,Dai hling nekin a se lem.Nangni vengtu a chet ve hun,Pathienin a kan cheu hun a tlung a,Tu hi an chi-ai hun chu a nih.

5.

I tuolbawmhai ring naw la,I ruol tha khom ring naw la,I tanga inbeinu laka khom,Fimkhur takin bau phong rawh.

6.

Naupan a pa sukmuolpho a ta,Naunu a nu lakah hel a ta,Moin a tarpinu do a ta,Mihriem hmelmahai chu,Ama sunghai ning an tih.

7.

Kei ruok chun beiseina leh,Ka LALPA chu thlir ka ta,Ka Tlantu Pathien chu nghak ka ta,Ka Pathien chun mi ngaithlang a tih.

8.

Ka hmelma, mi diriem naw rawh!Ka tlu khomin tho nawk ka tih.Thim hnuoiah inthung lang khom, LALPA chu ka var ning a tih.

9.

Ama lakah ka suol leiin,LALPA lungsenna phur ka tih,Ka chungthu mi hrilpui a,Indika a mi sie chenin. Chu chun varah mi thuoi a ta,A felna chu hmu tang ka tih.

10.

Chu pha chun ka hmelmahai,"Khawm LALPA i Pathien chu teh?"Titu chu inzakin sip a ta,Ka mit ngeiin a tluk hmung ka ta,Tuol chirhak angin sir hriel an tih.

11.

I kul banghai bawl nawk hun leI ramri zauh bel ni la tlung a tih.

12.

Chu ni chun Asuria ram dam,Aigupta khawpuia inthok dam,Aigupta le Eufretis inkara mi dam,Tuipui le tuipui inkara inthok dam,Tlang le tlang inkara inthok dam,I kuomah mihai hung an tih.

13.

Ram chu a sunga chenghai le,An thil suol thawhai leiin,Rausan ramah inchang a tih.

14.

Ram hnuoi, tlatna hnienghnarah,I rochanhai chu intlattir la,I hmolin anni chu veng la,Basan le Gilead-a an tlat hlak ang khan,Tla duol duol nawk ta raw hai se.

15.

"Aigupta rama inthokaIn hung suok lai ni ang khan,Thilmak inentir nawk ka tih."

16.

Thilthawtheina nei ve ta lo,Hnam tinhai chun hmung an ta,Inzakin bau hup an ta,An na khom set vong a tih.

17.

Rul angin pilvut liek an ta,Bokvaka invakhai ang elin,An umna kuoa inthokin,Inthin pumin hung suok an ta;LALPA ei Pathien kuoma chun,Ti em emin hung an ta,Nangma leiin ting an tih.

18.

Nangma anga suol ngaidam hlak,Hlaa um i rochanhai bawsietna,Ngaidam thei Pathien tu'm an um a?I lungsen kumkhuo nuom naw a, Zangaina inhmutir chu i lawm si a.

19.

Kan chungah za ngai nawk i ta,Kan suolhai mi hnepek i ta,Kan bawsietna po pohai chu,Tuipui mongah pei hmang i tih.

20.

Tiena kan pi le puhai kuoma,Inkham meua thu i tiem ang khan,Jakob chungah sukdik i ta,Abraham chungah za ngai i tih.

---

←  Micah (7/7)