←  Micah (6/7)  →

---

1.

"Ngir la, tlang hmaa thiem thu hril la,Muolhaiin i hril ngaithla raw se.

2.

LALPAN a khingna cheu hi,Aw tlanghai lo ngaithla ro;Hnuoia tlang hlunhai ngai ro,LALPAN a mihai a khing a,Israelhai a khing a ni hi.

3.

"Ka mihai, in chungah iem ka thaw a?Iengtin am in phur ka sukrik a?Mi hang don ve ta u, khai;

4.

Aiguptaa inthoka thuoi suokin,Bawi ninaa inthokin ka'n tlan cheu a,Thuoitu ding Mosie hai, Aron hai,Miriam hai ka pek cheu kha.

5.

LALPAN thil fel a thawziehai,Ka mihai, in hriet zing theina din,Moab lal Balak thurawn pek hai,Beor naupa Balaam don dan hai kha,Theinghil ngai hrim hrim naw ro. Sitim-a inthoka Gilgal chenaIn thil tuokhai kha hre zing ro" tiin.

6.

LALPA hmaah inlang ding lePathien inzaum hmaa ngir dingin,Ieng le am ka hung ding a na?Pumraw thilhlana inhlan dingin,Bawng tuoi kum khat mi ka hung kei ding?

7.

Beramchal a sang ruola tiem,Oliv hriek vadung singkhatin,LALPA ka suklawm thei ding?Ka bawsiet thawi damna dingin,Ka nau lutir chu inhlanin,Ka thlarau suolna leiin,Ka rila ra chu ka'n hlan ding?

8.

Aw mihriem, ieng am thil tha chu,Aman a hril der ta che kha.Iem a na LALPA phut che chu?Indik taka thaw, zangaina ngaihlut,I Pathien le thuhnuoirol taka intlon,A ni lem naw am a ni?

9.

I hming ti hi a varthlak a nih.LALPA chun inring takin,Jerusalema mi po po a ko a nih:"Hmol le a hmangtu thu chu poisa ro.

10.

Aw, sungkuo rilohai,Indik lo taka in ro khawlhai,Inkhina indik lo in hmanghai,Ka theinghil el ding am a ni?

11.

Phahla indik lo hmangtu leBukna lung indik lo koltu chu,Thiem changin ka'n suo ding maw?

12.

In mi hausahai an tawrot a,In mipuihai an khelhlip a,An leiin thukhel a per suok.

13.

Chuleiin, hrem ka ti cheu a,In suol leiin sukram ka ti cheu.

14.

Fang in ta, khop si loin,In phing khom tam zing a tih.Sek khawm in ta, hum thei si loin;In hum sun indonaah bo a tih.

15.

Ching in ta, sik si loin;Oliv hriek sir sawr in ta,Nangnin hmang phak si loin;Grep ra sir sawr in ta,A uoiin dawn phak si loin.

16.

Lal Omri um danhai zuiin,Lal rilo Ahab insung ching dan,An ser le sanghai in zawm leiin,Khaw ramah siem ka ti cheu a,Mi nuizatbur le hmusit ning in tih."

---

←  Micah (6/7)  →