←  Micah (5/7)  →
1. Aw kula inhuon Jerusalem,I sipai ruolhai khawm rawh,Inhuolin ei um ta si a.Israelhai roreltu bekah, Thir hmolin an vuok ding a nih.
2. Sienkhom nang Bethlehem, Efrata,Judai khawpui lai chin hle la khom,I sunga inthokin ka ta dingin,Israel roreltu hung suok a tih;A tobul chu tiena tlanga mi,Chatuona inthoka suok a nih.
3. Chuleiin, nau hase tuortunuin,Nau a nei thlak hma khat chun,Israel chu maksanin um a ta;Chu zoah a unau hlaa la umhai chu,An saltangna hmuna inthokin,Israel ramah kir nawk an tih.
4. LALPA hratnaa chun ngirin,LALPA a Pathien hming ropuinain,A beramhai chu chawm a ta,Muong takin khawsa tang an tih,Chu pha chun a hming ropuinain,Hnuoi kil tawp deng tang a tih.
5. Ama chu muongna bul ning a tih.Asuria-haiin ei ram hung run a,Ei kul sunga hai an lut pha chun,A dotu ding berampu pasari leThuoitu pariet inngir suok ei tih.
6. Asuria ram, Nimrod ram chu,Kawlhnamin op khum an ta,Ei ram run a, ei ramri a tlung pha,Asuria lakah mi san suok a tih.
7. Jakob thla hlaa la umhai chu,Hnam chi hrang hranghai lai chun,LALPAA inthoka daidaw tla le,Hlobet chunga ruo sur angin,An la tla dar ding a nih;Chu chun mi a nghak naw a,Mihriem ta din a cham bok nawh.
8. Jakob thla hlaa la umhai chu,Hnam chi tin lai um veng an ta,Ramsahai le beram ruol laiaSakeibaknei vanglai chetlain,A hmu phot se le pot chen a,Santu tu khom an nei naw angin,
9. A hmelmahai chungah leng a ta,A dotuhai chu sukboral a tih.
10. LALPA chun hieng hin a tih:"Chu ni a hung tlung pha chun,In sakorhai sukhlum ka ta,In tawlailirhai suksieng ka tih.
11. In khawpuihai suksieng ka ta,In kulpuihai sukchim ka tih.
12. In dawithiemhai sukhlum ka ta,Aisanthiem nei ta naw ti niu.
13. In milem kerhai suksieng ka ta,In lung serhai vaw nawi ka ta,Mihriem kuta siem thil hmaah,Bokkhup ta ngai naw ti niu.
14. Asera lim thing in phunhai chu,Phur thlupek vong ka ti cheu a,In khawpuihai suksieng ka tih.
15. Ka thu zawm lo hnamhai chungah,Lunginsen le thin inlingin,Phuba ka lak ding a nih" tiin.
←  Micah (5/7)  →