←  Micah (2/7)  →

---

1.

Suol phantuhai chung chu a pik,Khum laizawla suol phiertuhai!Zing khuo a hung var pha leh,An phier angin an hlen suok hlak,Chuong thawtheina chu an nei si a.

2.

Mi lo an inhnar a, an lakpek a,Mi in an inhnar a, an lakpek bok a.Mi hlemin an inhai an lakpek a,An rochan chen an lakpek hlak.

3.

Chuleiin, LALPAN hieng hin a tih:"In sungkuo sietna ding chu,In pumpel thei der lo dingin,Keiman ka phan zing a nih.Chapoin leng ta nawng in ta,Sietnain hung nang a ti cheu.

4.

Chu ni chun mihan nuizatin,Tap hla phuok khum an ti cheu:'Rok ramin kan um ta a,Kan ram a sem dar vong a;Kan kuta inthokin a lak a,Phatsantuhai kuomah a sem" tiin.

5.

Chuleiin, LALPA mihai inkhawma,Thum vawra ram insem ding hrim,Mi tu khom nei naw ti niu.

6.

Anni rawi chun ka kuomah,"Kan kuomah thu hril naw la,Hieng hi mi hril vet naw rawh;Muolphonan mi nang naw nih" an tih.

7.

Aw nangni Jakob sungkuohai,'Hieng ang thil hi thaw dingin,LALPA Thlarau a lungsen maw?'Ti zawnga hril lem ding a ni?"Indik taka khawsahai chungah,Ka thu'n kongro a suk naw a ni?

8.

Tu lai hnai hin ka mihai chu,Hmelma angin in en a,Indona hmuna inthoka,Ralmuong taka hung kirhai chu,An korfuolhai in lakpek a.

9.

An in inhoi taka khawsa,Ka mi, nuhmeihai in hnot suok a.An nauhai mal ka sawmna chu,Kumkhuoin in lak hmangpek a.

10.

Tho unla, fe suok vat ro,In ta dingin a ralmuong nawh;Siem that thei ruol lo khopa Sukporche le suksiet a ni tah.

11.

Khelhlip le hlem hmang hungin,'Uoiin le zu pe teuh kan ti cheu'Tiin hung hril sienla cheu,Chu mi chu hi mihai zawlneiNi awm lek a ni hrim a nih!

12.

"Aw Jakob thlahai, matheiloin,In rengin ko khawm ka ti cheu a,Israel thla, hlaa umhai po po chu,Hung thuoi khawm ngei ka ta,Ran huonga beram ruol ang leRan tlatnaa bawng ruol angin,Anni chu hung thuoi khawm ka ta,Mipui inzi nuoi nuoi an tih.

13.

Kot hongtu chun hma thuoi a ta,Kot chu kanin lut hum hum an ta,An lal chu an hmaah feng a ta,LALPA chun hma thuoi a tih."

---

←  Micah (2/7)  →