←  Malachi (3/4)  →
1. " Ngai ta, ka tirko ka hung tir a,Ka hmaah lampui buotsai a tih.In zong rop hlak LALPA chu,A tempulah hung inlang thut a ta,Thuthlung tirko in nghakhla chu,A hung inlang ding a nih,"Iengkim LALPA chun a tih.
2. Sienkhom a hung inlang ni chu,Tuin am tuor zo a ta?Ama a hung inlang pha chun,A hmaah tu'm ngir ngam a ta?Ama chu rawtuina mei ang lePuon sawptu sabon ang a nih.
3. Tangkaruo raw thiengtu leThlit fimtuah inthung a ta,Rangkachak le tangkaruo angin,Levi thlahai sukthieng a ta,A hmaa thil inhlantu ding,LALPAN mi fel nei tang a tih.
4. Tien lai hun le nihai ang khan,Judai ram le JerusalemaAn thil hung inhlanhai chu,LALPAN lo pom tang a tih.
5. Ro rel dingin hung hnai ka ta,Dawithiemhai, uire hmanghai,Thukhela inkham chinghai,Inhlawfahai hlaw hleppek a,Hmeithaihai le fahrahai neksawr a,Ram dang mihai chu thlier a,Indik taka ro relpek ngai loa,Mi tina nei lohai chunga chun,Hrepuitu tuonrangah thang ka ta,An chungthu rel nghal ka tih"Iengkim LALPA chun a tih.
6. "Kei hi danglam lo LALPA,Ka ni leiin aw Jakob thlahai,In bohmang naw a ni hih.
7. In pi le pua inthok khan,Ka thu ruothai nghatsanin,Ka thu in zawm nuom si nawh.Ka kuomah hung kir unla,In kuomah hung kir ka tih"Iengkim LALPA chun a tih.Nisienlakhom, nangni ruok chun,"Iengtin am ei kir ding?" in tih.
8. Tu'n am Pathien a rok hlak?Sienkhom in mi rok hlak si.Chuong sa khom chun nangni chun,"Iengtin am kan rok che?" in tih."Sawma pakhat le thilhlanah tie!
9. Nangnin in mi rok leiin,Tongsie hnuoiah in um a,Hnam pumin tongsie in phur.
10. Ka ina bu tamna dingin,In sawma pakhat kim takin,Ka bu inah hung hlu lut ro.Ka van zengpuihai hongpekin,Malsawmna tiem seng lo hiel,Ka vur ding le ding naw cheu,Hi thila hin mi fie ngat ro"Iengkim LALPA chun a tih.
11. "Fa se theitu po po lakah,In thlaihai vengpek ka ti cheu a,In huona grep rahai khom,A hlam til hrim um naw nih,"Iengkim LALPA chun a tih.
12. "Chuongchun, hnam tinrenghaiinHamtha la ting an ti cheu a,In ram chu ram ditum tawp,A la hung ni ding a ni si,"Iengkim LALPA chun a tih.
13. "Nasa takin in mi hrilsiet"Tiin LALPA chun a hril.Chuong sa khom chun nangni chun,"I nak kal zawng iem kan hril?"Tiin in hung indon let a.
14. Pathien rongbawl ei ti hi,Thilthlawn mei mei a lo nih.A mamaw thilhai thaw a,Iengkim LALPA hma bula,Lusun anga ei kun khom hin,Ieng am hlawkna ei hmu a?
15. Mi chapo an engthawl a,Suol thawtu an hmuingil a,Pathien chotu khom an him'Tiin in hril hlak an naw?
16. LALPA tituhai ruok chu,Inbein an inrawn khawm a,LALPAN an thu a ngaithlak hlak.LALPA tia a hming inzatuhai chu,Hriet zingna lekhabua chun,A mithmuah an ziek thlak hlak.
17. Iengkim LALPAN hieng hin a tih:"Ka rohai ka khawm pha chun,Anni hi ka rochan ning an tih.A rongbawltu a naupa ta dinga,Pain ro a hlapek hlak angin,Anni khom chu hlapek ka tih.
18. Chu pha chun mi fel le mi rilo,Pathien rong bawltu le tu nawhai,Chan inthlauzie hmu nawk in tih.
←  Malachi (3/4)  →