←  Luke (3/24)  →

---

1.

Kaisar Tiberi inlal kum sawm panganaa chun Pontia Pilat chu Judai rama Larsap a na, Heroda chu Galili ram lal a na, a unaupa Filip chu Ituria le Trakonitis ram lal a na, Lusania chu Abilene ram lal a na;

2.

Anna le Kaiafa chu Thiempu laltak an na, chuong lai chun thlalerah Zakari naupa Johan kuomah Pathien thu a hung tlung a.

3.

Ama chun Jordan varuom le a se vela khuohai chu a fang a, suol ngaidamna dinga simna baptisma chang ding thu a hril pei a;

4.

zawlnei Isaiin "Thlalera mi khek rawl chun,Lalpa lamlien ding siel unla,A hraw ding lam zal siem ro;

5.

Ruom tin vur sip ning a ta,Muol le tlang tin rawt hnuoi ning a ta,Lam kawihai suktlun ning a ta,A khokroknahai hrut ruol ning a ta,

6.

Mi tinin Pathien sandamna hmung an tih"tia ziek ang khan.

7.

A kuta baptisma chang dinga hung mipuihai kuoma chun, "Rul thlahai, lungsenna hung tlung ding hi tlansan dingin tuin am a'n fui cheu a?

8.

In simzie thilthawin suklang lem ro. 'Abraham kan thlatu a nih annawm' tiin ngai suktha el naw ro. Ka hril cheu hi, Pathien chun hieng lunghai hi Abraham thlaah a'n din thei a nih.

9.

Tuta inthok hin hreipui chu thing bul tinah an sie tah a, ra thaa ra naw thing taphot chu phur a, meia ti el ding a nih" a lo ta.

10.

Mipuihai chun, "Chuong a ni chun iem thaw tang kan ta?" tiin an indon a.

11.

Ama chun, "Tu khom, zakuo pahni nei chun a nei naw chu sem raw se; chuong ang bokin fak ding nei chun a nei naw chu sem raw se" a ta.

12.

Siekhontuhai khom baptisma chang dingin an hung a, "Zirtirtu, ieng am thawng kan ta?" an ta.

13.

Ama chun, "Tu laka inthok khomin bituk neka tam la naw ro" a ta.

14.

Sipaihai khomin, "An leh, keini hi, iem kan thaw ve ding?" an ta. Ama chun "Thawluinain amanih khela intumin amanih tu sum le pai khom lakpek naw unla, in hlawah lungawi ro" a ta.

15.

Mipui chun lungrilin ama chu Krista ni el thei awma ngaiin beisei takin an thlir thup a.

16.

Johan chun an kuomah, "Kei chun tuiin ka baptis cheu a; nisienlakhom, keima neka ropui lem a hung ding a na, kei chu a pheikhok hrui sut tlak khom ka ni nawh. Ama chun Thlarau Thienghlim le meiin a baptis ding cheu a nih.

17.

Ama chun hrizawla bu chu zap fai hieu a, bupanga hlu el dingin a kutin sisep a chawi a, a sihai po chu mei rem thei loah raw hmang a tih" a ta.

18.

Chuong ang chun infuina thu dang tam tak leh mihai kuomah Chanchin Tha chu a hril hlak a.

19.

Lal Heroda khom chu a sangpa nuhmei Herodi le an chungchang thuah le thilsuol dang a thawhai leiin Johanin a kawk a.

20.

A thilsuol thaw ta po po chu dit tawk loin Heroda chun Johan chu lung inah a khum a.

21.

Chun, mi a hung po poin baptisma an chang hnungin Isu khomin baptisma a chang a, a tongtai laiin van a hung inhong a.

22.

Thlarau Thienghlim chu taksa putin vathu angin a chungah a hung tum a, vana inthok chun rawl a hung suok a, "Nang ka Naupa, ka Dittak chu i nih; i chungah ka lawm takzet" a hung ti a.Isu thlatuhai.

23.

Rong a bawl tan chun Isu chu kum sawmthum laia upa a ni tah a, mi ngaia chu Josefa naupa a nih. Ama chu Heli nau a na,

24.

ama chu Mathat nau a na; ama chu Levi nau a na; ama chu Melki nau a na; ama chu Jannai nau a na; ama chu Josefa nau a na;

25.

ama chu Matathi nau a na; ama chu Amos nau a na; ama chu Nahum nau a na; ama chu Esli nau a na; ama chu Naggai nau a na;

26.

ama chu Maatha nau a na; ama chu Matathi nau a na; ama chu Semei nau a na; ama chu Josek nau a na; ama chu Joda nau a na;

27.

ama chu Joanan nau a na; ama chu Resa nau a ana; ama chu Zerubabel nau a na; ama chu Sealthielf nau a na; ama chu Neri nau a na;

28.

ama chu Melki nau a na; ama chu Adi nau a na; ama chu Kosam nau a na; ama chu Elmadam nau a na; ama chu Era nau a na;

29.

ama chu Josua nau a na, ama chu Eliezar nau a na; ama chu Jorim nau a na; ama chu Mathat nau a na, ama chu Levi nau a na;

30.

ama chu Sumeon nau a na; ama chu Juda nau a na; ama chu Josefa nau a na; ama chu Jonam nau a na; ama chu Eliakim nau a na;

31.

ama chu Melia nau a na; ama chu Mena nau a na; ama chu Matatha nau a na; ama chu Nathan nau a na; ama chu Davida nau a na;

32.

ama chu Jesai nau a na; ama chu Obeda nau a na; ama chu Boaz nau a na; ama chu Salmong nau a na; ama chu Nason nau a na;

33.

ama chu Aminadab nau a na; ama chu Aramh nau a na; ama chu Hezron nau a na; ama chu Perez nau a na; ama chu Juda nau a na; ama chu Jakob nau a na;

34.

ama chu Isak nau a na; ama chu Abraham nau a na; ama chu Tera nau a na; ama chu Nahor nau a na;

35.

ama chu Serug nau a na; ama chu Reuva nau a na; ama chu Pelek nau a na; ama chu Eber nau a na; ama chu Sela nau a na;

36.

ama chu Kainan nau a na; ama chu Arfasad nau a na; ama chu Sema nau a na; ama chu Nova nau a na; ama chu Lamek nau a na;

37.

ama chu Mathusel nau a na; ama chu Enok nau a na; ama chu Jared nau a na; ama chu Mahalalil nau a na; ama chu Kenan nau a na;

38.

ama chu Enos nau a na; ama chu Set nau a na; ama chu Adam nau a na; ama chu Pathien nau a nih.

---

←  Luke (3/24)  →