←  Leviticus (22/27)  →
1. Chun, LALPAN Mosie a biek a,
2. "Aron le a naupahai hril la, Israel mihaiin ka hmaa thil ser an hung inhlanhai chu ursun takin lo dong hai sien la, ka hming thienghlim sukmuolpho naw raw hai se. Kei hi LALPA chu ka nih.
3. Hieng hin hril rawh: suon la hung pei ding chen khomin, in thlahai tu 169
4. " 'Aron thla tukhomin inkai thei vun hri amanih a taksaa thil put amanih a nei chun, a porchenaa inthoka a'n thieng hma khat chu thil thienghlim inhlanhai chu fa thei naw nih. Mithi ruongin a tawk thilhai a tawk lei dam, chi a put suok lei dam,
5. tawk thieng lo hnuoia thil invak chi hrim hrim a tawk lei dam, mi sukporche thei hrim hrim, ieng ang porchena khom ni sien, a tawk lei damin a porche thei.
6. Chuong ang thil tawktu taphot chu zan tieng chenin tirdakum kai a tih. Tuia a'n sil fai hma khat chun thil thienghlim inhlanhai chu a ieng khom a fak ding a ni nawh.
7. Nisa tlak pha hung inthieng tang a ta, chu hnunga chun thil thienghlim laia mi chu fa thei tang a tih, a chanpuol dinga ruot a ni leiin.
8. Sa thi sa amanih le sahuoi se hlum sa amanih a fak leiin a'n sukporche ding a ni nawh. Kei hi LALPA chu ka nih.
9. " 'Thiempuhai chun ka thupekhai chu an zawm ding a nih, an zawm naw chun thiem nawna phurin, an poisak nawna chu thipui rawi an tih. Kei hi LALPA, anni sukthienghlimtu chu ka ni si a.
10. " 'Thiempu sungkuo ni ve lo le a mikhuol amanih inhlawfa a lakhai amani khomin thil thienghlim chu an fak ding a ni nawh.
11. Amiruokchu, suma thiempuin bawi a'n chawk amani le a ina pieng bawihai chun a bu chu fa thei an tih.
12. Thiempu naunuin thiempu ni lo pasala a nei chun then thilhlan, thil thienghlim laia mi chu a fak ding a ni nawh.
13. Sienkhom, thiempu naunu chu nau nei hman loa a hmeithai amanih, an naw leh mak a ni a, a pa inah a naupang lai ang boka khawsa dinga a hung kir nawk a ni chun, a hung kir nia inthokin fa thei a tih. Mi dang chun an fak a thieng nawh.
14. " 'Thiempu thla ni loin hre loa thil thienghlim a lo fak pal a ni chun thiempu chu rul vong a ta, hmun ngaa thea hmun khat pe belsang a tih.
15. Israelhaiin thil thienghlim LALPA kuoma an hung inhlan chu fa a, thiem nawna an chungah intlungtir a, an thung nawk a ngai nawna dingin, thil thienghlim an inhlan chu thiempuin sukporche ngai naw raw se.
16. Kei hi LALPA, anni sukthienghlimtu chu ka ni si a' ti rawh" a ta.
17. LALPA chun Mosie kuomah,
18. "Aron le a naupahai le Israel thlahai po po chu be la, hieng ang hin hril rawh: 'Israel sungkuo laia mi amanih, Israelhai laia um ram dang mi amanih tu khomin LALPA ta dinga pumraw inthawina thilhlan in inhlan hunah, thutiemna amanih mani nuom thua thilhlan amanih a ni khomin,
19. in thilhlan chu nangni aia pom tlak a ni theina dingin bawngchal amanih, kelchal amanih hemna nei lo chu in inhlan ding a nih.
20. Hmel hemna nei hrim hrim hung inhlan naw ro, in inhlan chun nangni aia pompek ni naw ti niu.
21. Tu khom thutiem bik hlenna ding amani le mani nuom thu lei amania inremna thilhlan inhlan ding chun, a thil inhlan chu ama aia pom a ni theina dingin, bawngchal amanih, beramchal amanih, kelchal amanih hmel hem lo hung inhlan raw se.
22. Ran mitdel amanih, inhliemna nei le sil-ong amanih, inpharna le panna nei lai amanih chu inhlan naw ro. Chuong ang hrim hrim chu LALPA ta dinga meia pumraw thilhlanah in hmang ding a ni nawh.
23. Mani nuom thua thilhlana chu bawngchal amanih beramchal amanih a pieng infu rak lo khom in inhlan thei a, amiruokchu thutiem hlenna thilhlana ding chun chu chu pom ni naw nih.
24. A tilmu inhliem amanih, vuok nawi amanih, sut koi amanih le lak amanih ran chu LALPA kuomah in inhlan ding a ni nawh. Chuong ang chu in rama hin in thaw ding a ni nawh.
25. Chun, chuong ang ran chu in Pathien fak ding thilhlana dingin ram dang mi laka inthok khomin in pom ding a ni nawh. Piengsuolna le hmel hemna nei an ni leiin nangni aia pom ni thei naw nih' tiin hril rawh" a ta.
26. LALPA chun Mosie kuomah,
27. "Bawng amanih, beram amanih, kelchal amanih a hung piengin a pui bulah ni sari a um ding a nih. A ni rietnaa inthok chun LALPA ta dinga meia thilhlana pom thei ni tang a tih.
28. Bawngpui amanih berampui amanih le a te chu ni khatah a ruolin in that ding a ni nawh.
29. "Chun, lawmthu hrila LALPA kuoma in inthawi pha a pom tlak ni dingin inthawi ro.
30. A ni l� laah in fak ding a nih; a zinga ding ieng khom hla naw ro. Kei hi LALPA chu ka nih.
31. "Ka thupekhai hi vongin zawm ro. LALPA chu ka ni si a.
32. Ka hming sukpawi naw ro. Israel thlahaiin mi thienghlimah an mi pom ding a nih. Kei hi nangni sukthienghlimtu LALPA chu ka na,
33. in Pathien ni dinga Aiguptaa inthoka thuoi suoktu cheu chu ka nih. LALPA chu ka nih" tiin a hril a.
←  Leviticus (22/27)  →