← Leviticus (17/27) → |
1. | LALPA chun Mosie kuomah, |
2. | "Aron le a naupahai le Israel thlahai po po kuomah hieng hin hril rawh: 'Hi hi LALPA thupek chu a nih: |
3. | Israel mi tukhom bawngchal amanih, beram le kel amanih riebuk sung le a puo tieng amania that a, |
4. | LALPA biekbuk hmaa LALPA ta dinga thilhlan Intuokna Puon in kota hung la naw taphot chu thisen insuo leia thiem naw changa ngai ning a ta, thisen insuotu a ni leiin a mipuihai laia inthoka tuithlar a ni ngei ding a nih. |
5. | Chuong chu a ni leiin, tuta tuolpara Israelhaiin inthawina an inhlan hlak po po hi LALPA hmaah an hung inhlan vong ta ding a nih. Intuokna Puon in kotah thiempu kuomah, LALPA hmaah hung chawi an ta, inremna thilhlanah an hung inhlan ding a nih. |
6. | Thiempu chun Intuokna Puon in kot bula maicham chu ran thisen chun theng a ta, a thau chu LALPA ta dinga rimtui inhnik dingin rawng a tih. |
7. | An uirena hlak kel lemhai kuoma chun an inthawi ding a ni ta nawh' ti hi an thla peihai ding khoma an kumkhaw dan ding chu a nih" tiin. |
8. | " Chun, hieng hin hril tawl rawh: 'Israel mi amanih nangni laia hnam dang mi chenghai tu khomin pumraw inthawi an inhlan a, |
9. | Intuokna Puon in kot bula LALPA hmaah an hung inhlan si naw chun, chu mi chu a chipuihai laia inthoka tuithlar a ni ngei ding a nih. |
10. | " 'Israel mi tu khom le anni laia cheng ram dang mi tu khom thisen fatu laka chun ka hmai sukthim ka ta, a chipuihai intuithlartir ka tih. |
11. | Thilhring hringna chu a thisenah a um si a, maichama in ta dinga inremna siemna dinga ka pek cheu a nih; hringna ta dinga inremna siemna chu thisen a ni si a. |
12. | Chu lei chun a nih Israelhai kuomah, 'Tu khomin thisen in fak ding a ni nawh, nangni laia cheng ram dang mi khomin an fak ding a ni bok nawh' tia ka hril chu. |
13. | " 'Israel mi tu khom le nangni laia cheng le ram dang mi tu khomin fak dinga ram sa amanih vate a pel chun a thisen chu hnuoiah infar kangtir vong a ta, chu chu pilin a vur khum ding a nih, |
14. | thilhring tin hringna chu a thisen a ni si a. Chu lei chun annawm Israelhai kuomah, 'Thilhring taphot thisen in fak ding a ni nawh, thilhring hringna chu a thisen a ni si a; a fa taphot chu tuithlar ding a nih' ka ti chu. |
15. | " 'A rama pieng amanih ram dang mi tu khom, sa thi sa amanih le sahuoiin an pot chen neng tahnung sa a fak chun a puon sawpin insil a ta, zan tieng chen porche kai a ta, chu zoah hung inthieng a tih. A puon sawp loa a'n sil bok naw chun a maw chu phur a tih' tiin " a ta. |
16. | (A um nawh) |
← Leviticus (17/27) → |