| ← Leviticus (12/27) → |
| 1. | Chun, LALPA chun Mosie kuomah, "Israel thlahai kuomah hieng hin hril rawh: |
| 2. | Nuhmeiin nau a pai a, nau pasal a nei chun, thla a pal laia nuhmei a porche ang bokin, ni sari sung chu a porche a nih. |
| 3. | A ni rietnaah naute ser vun hmor chu tan ding a nih. |
| 4. | Chu zoah thi a pal leia inthienna dingin ni sawmthum pathum sung a la nghak ding a nih. A inthienna ni a kim hma chun thil thienghlim hrim hrim a tawk ding a ni naw a, hmun thienghlimah a lut ding a ni bok nawh. |
| 5. | Nau nuhmei a nei ruok chun, thla a pal laia nuhmei a porche ang bokin, kar hni sung chu a porche a nih. Chu zoah thi a pal leia inthienna dingin ni sawmruk le paruk a la nghak ding a nih. |
| 6. | " 'Nau pasal amanih nuhmei amanih a nei leia inthienna ni a kim pha leh pumraw inthawina dingin kum khata upa beram tuoi le suol thawina dingin parva amanih vathu tuoi amanih chu Intuokna Puon in kotah thiempu kuomah a hung chawi ding a nih. |
| 7. | Thiempu chun LALPA hmaah inhlanin inremna siempek a ta, thi a palna lakah hung inthieng tang a tih. Chu chu nau pasal amanih nuhmei amanih hringtu nu ta dinga dan chu a nih. |
| 8. | Chun, beram tuoi a nei zo si naw chun vathu amanih parva tuok khat amanih a chawi ding a nih. Pakhat chu pumraw thilhlana hmang ding, a dang chu suol thawinaa hmang ding ning a ta, thiempuin inremna siempek a ta, hung inthieng tang a tih' tiin hril rawh" a ta. |
| ← Leviticus (12/27) → |