Lamentations (1/5)  →
1. Khang khopa khawpui lun kha,
2. Biengah mitthli luong zoi zoiin,Zanah a tap tlok tlok a;A ngaizawnghai tu el khom,Thlamuongtu an um ta nawh.A ruolhaiin lem ang derin,Doral an lo inchang zo tah.
3. Salah an intang, Juda mihai,Hrem le sor inrim an tuor;Hnam danghai lai khawsain,Sawl damna hrim an hmu nawh.Anni hnottuhan nangchingin,An beidong lai an hnaw chep.
4. Zion lampui a thing zo a,Kut hmanga hung an um ta nawh.A kotkharhai chu ram zoin,A thiempuhai an tap inrum.A nunghakhai an beidong a,A lairil a na vong vong.
5. A dotuha'n an op khum a,Hmelmahaiin nunkhuo an pham;A suol nasa em leiin,LALPAN a'n tuortir ta si.A nauhai chu hmelmahaiin,Salah manin an thuoi hmang.
6. Zion naunu mawina chu,Puon ang a lo chul zo tah.A hotuhai khom tlatna bo,Sazuk ang an hung ni tah.A hnottuhai hmaa chun,Zoi nengin an tlansie a.
7. Rinum tuora an vai lai chun,A ropui lai nihai kha,Jerusalem chun a hriet suok a.Hmelman an hung lak lai khan,Santu tu khom a nei nawh.A chan siet chu hmelmahan,Hmuin an diriem hle a.
8. A suol nasat em leiin,Jerusalem khawpui chun,Tirdakum a kai zo tah;Ama ngaisangtuhaiin,Saruoka an hang hmu chun,An endong ta em em a;Mi hmel khom hmu ngam loin,Naw tieng nghain a'n rum a.
9. A tirdakumnahai chu,A puonbilah a kai luoi a,Thup nachang a hriet ta nawh.A tlawm dan a rapthlak a,Hnemtu tu khom an um nawh. "En ta, LALPA, ka tuorna hi,Hmelmahai an dingchang ta si!"
10. A rosum nei po pohai chu,Hmelmahaiin an rok a,I mihai pungkhawmnaa,An thang i phal ngai naw hlak,Pathien ringnawtuhai kha,I hmun thienghlima an lut lai,Mit ngeiin a thlir vong vong.
11. A mihan inrum pumin,Fak le dawn ding an zong a,An hring theina ngaituoin,An rosumhan bu an thleng."Mi zuk en ta, aw LALPA,Mi hmusit ka kai tah hi!"
12. Nangni inlon invakhai,Iengma loah in ngai maw?Ngha velin en chieng unla,Hremna ka chunga hung tlung,Ka tuor neka nasa lem hi,A um hlak hrim am a ni,A lungsen inling ni aLALPA mi hremna tluk hi?
13. Ka ru sung hlieutu dingin,Vana inthok mei a hung thlak.Ka awkna di'n chang a kam a,A letlingin a mi khai a.Inrieng taka mi maksanin,Sunni thlakin thi hmun ka suol.
14. Ka suolnahai chu her thlopin,Ka ringkol dingin a siem a;Ka ringah a hung innghat a,LALPAN ka tha a sukchau a,Ka do zo lo dinghai kutah,Ama chun a mi'n hlan ta si.
15. Kan pasalthahai po hlak chu,LALPAN a hnawl hmang vong a;Kan val ruol rawt chimit dingin,Mi beitu ding ral a hung tir.Sawrkhura grep sir sawr angin,Juda nunghak thienglamhai chu,LALPAN du tawkin a sir sawr.
16. Chu lei chun a nih ka tap,Ka mitthli a hul thei nawh.Hnema mi sukhartu ding,Ka hnaiah mi an um nawh.Ka nauhai an va'n rieng ngei,Hmelman an chungdel ta si!
17. Zion chun ban a phar a,Sienkhom hnemtu an um nawh.Jakob chu a vela chenghaiLALPAN a'n hmelmaktir si.An ta di'n Jerusalem chu,Tirdakum a lo chang tah.
18. LALPA chu a'n dik vei leh,A lakah ka lo hel ta si a;Mi po pohai en ta u,Ka hang tuor nasat dan hi!Ka nunghak tlangvalhai hlak,Salah an intang zo tah!
19. Ka'n thloppuihai ka ko a,Sienkhom an mi'n phatsan tah.An hringna san him tuma,Fak ding bu an zong laiin,Ka thiempuhai le upahai hlak,Tuolah an tlu hlum zo tah.
20. Ka beidong dan em em hi,Aw LALPA mi zuk en ta!Ka sung a sa huoi huoi a,Ka lung a zing em em bok;Ka hel hmang lei vong a nih.Lusunna sukpungtu di'n,Tuolah kawlhnam a hrang a,In sungah hripui a'n leng.
21. Mihan ka'n rum ri an hriet,Sienkhom hnemtu an um nawh.Ka hmelmahai po poin,Ka beidongzie an hriet a,I thilthaw an lawm a nih.Keima ang an hung ni hun,I tiem chu intlungtir rawh.
22. An ritlona po po chu,I hmaah hung inlang sien,Ka bawsietnahai leia,Ka chunga i thaw ang hin, An chunga khom thaw ve rawh.Ka'n rumna zozai lei hin,Ka lung a chau zo ta si.
      Lamentations (1/5)  →