←  Joshua (19/24)  →
1. An thum vawr voi hnina chu Simeon thlahai le sungkuohai chungah a tla a. An chanpuol chu Judahai ram sungah a thang a.
2. Chuonghai chu Beersheba (Sheba), Molada,
3. Hazar Shual, Bala, Ezem,
4. Eltolad, Bethul, Horma,
5. Ziklak, Bet Markabot, Hazar Susan,
6. Bet Lebaot le Saruhen, khaw sawmpathum le an khawperhai dam;
7. Ain, Rimon, Ether le Asan, khaw li le an khawperhai le
8. hieng khuohai sevela khawpui po po, sim tieng rama Balat-Ber chenin.Chuonghai chu an sungkuo zir peia Simeon thlahai chanpuol chu a nih.
9. Simeon thlahai chanpuol chu Juda thlahai chana mi a nih, an mamaw baka lien an rochung leiin. Chuongchun, Simeon thlahai chun Judahai chan sunga mi chanpuol chu an dong a nih.
10. Thum vawr voi thumna chu Zebulun hnam le sungkuohai chungah a tla a. An chanpuol ramri chu Sarid chen a nih.
11. Thlang tieng panin Marala a pan a, Dabeset a sir a, Jokneam kawla varuom chen a tlung a.
12. Sarid-a inthokin sak tieng, nisa suokna tieng a'n her a, Kislot Tabor ram a tlung a, Daberat le Jafia chen a fe a.
13. Chu taka inthok chun sak tieng pan peiin Gat Hefer le Et Kazin-ah a fe a, Rimon-ah a hung suok a, Nea tieng a pan a.
14. Chu taka inthok chun ramri chu Hanathon hmar tieng panin an her kuol a, Ifta El ruomah a tawp a.
15. Hi baka hin Katat, Nahalal, Simron, Idala le Bethlehem khuohai khom a thang sa. A rengin khuo sawmpahni le an khawperhai an nih.
16. Chuonghai chu Zebulun hnam le sungkuohai chanpuol khuohai le an khawperhai chu a nih.
17. Thum vawr voi lina chu Isakar hnam le sungkuohai chungah a tla a.
18. An ramri chin chu Jezrel, Kesulot, Sunem;
19. Hafaraim, Sion, Anaharat,
20. Rabit, Kision, Ebez;
21. Remet, Enganim, Enhada le Bet Pazez a nih.
22. A ramri chun Tabor, Sahazuma le Bet Semes a tawk a, Jordan vadungah a tawp a, arengin khaw sawmparuk le an khawperhai an nih.
23. Chuong khawpuihai le an khawperhai chu Isakar hnam le sungkuohai chanpuol chu a nih.
24. Thum vawr voi ngana chu Aser hnam le sungkuohai chungah a tla a.
25. An ram huop chin chu Helkat, Hali, Beten, Aksaf,
26. Alamelek, Amad le Misal an nih. Thlang tieng ramri chun Karmel le Sihor Libnat a zu tlung a.
27. Chu taka inthok chun sak tieng Bet Dagon tieng inherin Zebulun le Ifta El ruom fe thlengin hmar tieng Bet Emek le Neiel tieng a fe a, voi tieng pangah Kabul a fe thleng a.
28. Fe peiin Abdon, Rehob, Hamon le Kana sirin Sidon Lien chen a fe a.
29. Chu taka inthok chun ramri chu Rama tieng a'n her kir a, kula inhuon Tura khuo a sir a, Hosa tieng a'n her a, Akzib bielah Mediterranean Tuipui a sun a,
30. Uma, Afek le Rehob a sir bok a. Arengin khaw sawmhni le pahni le an khawperhai an nih.
31. Chuonghai chu Aser hnam le sungkuohai chanpuol khuohai le an khawperhai chu a nih.
32. Thum vawr voi rukna chu Nafthali hnam le sungkuohai chungah a tla a.
33. An ramri chu Helep-a inthokin Zananmim-a saisaw thingkung lienah, Adaminekeb le Jamnia fe thlenga Nakum chen va tlungin, Jordan vadungah a tawp a.
34. Chu taka inthok chun ramri chu thlang tieng inherin Aznot Tabor-ah a fe a, chu taka inthok chun Hukok chen a fe a. Sim tieng Zebulun leh an inri a, thlang tieng Aser leh an inri a, sak tieng Jordan leh an inri bok.
35. Kula inhuon khuohai chu Zidim, Zer, Hamat, Rakat, Kineret,
36. Adama, Rama, Hazor,
37. Kedes, Edrei, En Hazor,
38. Iron, Migdal El, Horem, Bet Anat le Bet Semes a nih. An khaw hluo chu arengin khuo sawmpakuo le an khawperhai a nih.
39. Chuonghai chu Nafthali hnam le sungkuohai chanpuol khuohai le an khawperhai chu a nih.
40. Thum vawr voi sarina chu Dan hnam le sungkuohai chungah a tla a.
41. An chanpuol ram huop sung chu Zorah, Eshtaol, Ir Semes,
42. Salabin, Aijalon, Ithla,
43. Elon, Timna, Ekron,
44. Elteke, Gibethon, Balat,
45. Jehud, Bene Berak, Gath Rimon,
46. Mejarkon le Rakon bakah Jopa khuo sevela ram po po a nih.
47. Dan thlahai hin nuom elin an ram chu an hluo thei naw leiin Lesem khuo an hang run a, an lak a, kawlhnama an sukbohmang hnung chun an hluo a, an pu Dan hming chawiin Lesem chu Dan an inbuk a.
48. Chuonghai chu Dan hnam le sungkuohai chanpuol khuohai le an khawperhai chu a nih.
49. Chuongchun, an chanpuol seng ding chu insema an ramri ding an the fel hnung chun Israel thlahai chun Nuna naupa Josua chu anni lai chanpuol an pek ve a.
50. LALPA thupek angin, Efraimhai tlang rama a khaw dit Timnat Sera chu an pek a, chu taka chun khawpui a siem a, a um ta a.
51. Chuonghai po chu a nih Silo hmuna LALPA hmaa Intuokna Puon in kotah thum vawr a, thiempu Eleazar hai, Nuna naupa Josua hai le Israel thlahai laia hotuhaiin ram an lo sem dan chu. Chuong ang chun ram insem chu an zo tah a nih.
←  Joshua (19/24)  →