| ← Joshua (12/24) → |
| 1. | Ni suokna tienga Jordan ral ram, Arnon Ruoma inthoka Hermon tlang chen le sak tieng panga Araba ram chena lalhai, Israel thlahaiin an tukdol tah le an ram an lakpekhai chu hienghai hi an nih: |
| 2. | Amor mi Hesbona lal Sihon ramin a huop chin chu Arnon ruom sira um Aroer khuoa inthoka Arnon ruom lailunga khaw um le chu taka inthoka Amonhai ramri Jabok vadung chen a na, chu chun Gilead ram chenve a huop sa a. |
| 3. | Chun, Jordan varuom, Galili dila inthoka sim tieng Tuipui Thi sak tieng Bet Jesimot chen le Pisga sim tieng tlang pangper po po a huop sa bok a nih. |
| 4. | Basan lal Oga khom an hne a. Ama chu Refaim hnam tlawmte la um sun laia mi a na, Astarot-a inthoka Edrei chena lal a nih. |
| 5. | A lalramin a huop sahai chu Hermon tlang hai, Salka khuo hai, Basan ram po po, Gesur-hai le Maaka-hai ramri chen le Gilead ram zatve, Sihon ramri chen a nih. |
| 6. | LALPA siehlaw Mosie le Israelhaiin chuong lalhai chu an hne a, LALPA siehlaw Mosie chun an ram chu Reuben hnam le Gad hnam le Manase hnam zatvehai rochanah a sem a. |
| 7. | Jordan vadung ral thlang tienga Josua le Israelhaiin an tukdolhai chu Baal Gad-a inthoka Lebanon phairuom chen, chu taka inthoka Seir tlang hang suntu Halak tlang chen a nih. Chuong ramhai chu Israel hnamhai inthe dan ang peiin Josua chun an rochanah a sem tawl a. |
| 8. | Tlang ram po po, tlak tieng tlang thut po po, Araba hai, tlang pangper hai, thlaler hai, sim tieng ramhai po poa Hit mihai, Amor mihai, Kanan mihai, Periz mihai, Hiv mihai le Jebu mihai lal um zat le an khaw hluohai chu: |
| 9. | Jeriko lal pakhat le Bethel bula Ai khaw lal pakhat; |
| 10. | Jerusalem lal pakhat, Hebron lal pakhat; |
| 11. | Jarmut lal pakhat, Lakis lal pakhat; |
| 12. | Eglon lal pakhat, Gezer lal pakhat; |
| 13. | Debir lal pakhat, Geder lal pakhat; |
| 14. | Horma lal pakhat, Arad lal pakhat; |
| 15. | Libna lal pakhat, Adulam lal pakhat; |
| 16. | Makeda lal pakhat, Bethel lal pakhat; |
| 17. | Tapua lal pakhat, Hefer lal pakhat; |
| 18. | Afek lal pakhat, Lasaron lal pakhat; |
| 19. | Madon lal pakhat, Hazor lal pakhat; |
| 20. | Simron Meron lal pakhat, Aksaf lal pakhat; |
| 21. | Tanak lal pakhat, Megido lal pakhat; |
| 22. | Kedes lal pakhat, Karmel tlanga Jokneam lal pakhat, |
| 23. | Dor zo tlang lal pakhat, Gilgala Goyim lal pakhat le |
| 24. | Tirza lal pakhat an na, an rengin lal sawmthum le pakhat an nih. |
| ← Joshua (12/24) → |