| ← Jonah (3/4) → |
| 1. | LALPA thu chu Johan kuomah a hung tlung nawk a: |
| 2. | "Tho la, khaw ropui tak Nenevi-a chun fe la, thu ka hril che hi tlang insampui rawh" a ta. |
| 3. | Chuongchun Jona chu a tho a, LALPA thu ang chun Ninevi khuoa chun a fe a. Ninevi chu khaw poimaw tak el a na, a lienzie chu kea ni thum lam a nih. |
| 4. | A ni khatnaa chun Jona chun khawpuiah, "Ni sawmli hnungah Ninevi hi sukbohmang ning a tih" tiin tlang a'n sam a. |
| 5. | Ninevi mihai chun Pathien an ring a, bu nghei an puong a, a lien taka inthoka a chin tak chenin saiip an sil a. |
| 6. | Ninevi khaw lalin chu chu a lo hriet chun a lalthungphaa inthokin a tho a, a lal thuom a hlip a, saiip a sil a, pilvut lai a'n thung a. |
| 7. | Ninevi khaw lal le a mi lienhai chun hieng ang hin thupek an insuo a: "Lal le a khawnbawlhai thupek angin, mihriem amanih, ran amanih, beram ruol le bawng ruol amanih tu khomin ieng khom fain an dawn ding a ni nawh. |
| 8. | Mihriem le ransahai khomin saiip sil hai sien, thahnemngai takin Pathien ko raw se. Mi tinin mani lampui tha naw le tharum hmanga thisen insuona chu bansan raw se. |
| 9. | Ei bohmang nawna dingin Pathien chu inlamletin, a zangaina nasa tak lei chun a lungsenna nasa taka inthok chun in kei kir naw nih ti tuin am a hriet?" tiin. |
| 10. | Pathienin an um dan chu a hmu a, an suol an sim ti a hriet chun anni chu a lunginsiet a, an chunga sietna intlun dinga a hril chu a thul ta a. |
| ← Jonah (3/4) → |