←  Jonah (2/4)  →

---

1.

Ngapui sunga inthok chun LALPA a Pathien kuomah Jona chu a tongtai a.

2.

Hieng hin a hril a:Ka beidongin LALPA chu ka ko a,Ama chun a mi hung don a.Thlan rila inthokin thangpuitu ka ko a,Nangin ka kona rawl i lo hriet a.

3.

Tui inthuk takah i mi pei lut a,Tuipui li ril inthuk taka chun,Tui fawnin an mi'n huol vel a,I tui fawn le insokhai chun,An mi vur khum hlup hlup a.

4.

'I mithmua inthokin,Nangin i mi hnot hmang a,Sienkhom i in thienghlim tieng,Hung ngha nawk ka tih' ka ta.

5.

Tuiin a mi chim vel a,Inthuok harsa ka ti a,Tuipuiin a mi sin khum a,Tui hlohan ka lu an tuom a.

6.

Tlang thut rawt chen ka tla thla a,Kumkhuoa hnuoi ril nghak dingin.Sienkhom aw LALPA ka Pathien,Khuorkhurum monga inthokinKa hringna i lak suok si.

7.

"Ka hringna a liem tepin,LALPA ka hung hriet che a,I tempul thienghlima chun,Ka tongtainan a hung nang che.

8.

"Milem hmangna bo betuhai chun,Lunginsietna an dong ding chu,Chan phanain an hmang hlak.

9.

Kei ruok chun lawmthu hrilin,I kuomah hung inthawi ka ta,Ka thu tiemhai khom hlen ka tih.Sandamtu chu LALPA a ni si a" tiin.

10.

Chun, LALPA chun ngapui chu thu a pek a, Jona chu khawmuolah a luok suok ta a.

---

←  Jonah (2/4)  →