John (17/21)

← John (17/21) →

Chuong thu Isun a hril zo chun van tieng nghain, "P�, a hun a tlung tah, i Naupa hi chawimawi rawh, Naupa hin a chawimawi theina ding chein.

A kuoma i pekhai po chu chatuon hringna a pek theina dingin nangin mi po po chungah thuneina i pek tah a.

Hi hi chatuon hringna chu a nih, nang Pathien tak chauh le i tir Isu Krista hriet hi.

Thil thaw ding i mi pek kha ka thaw zo a, khawvela hin ka chawimawi tah che.

Aw P�, khawvel siem hmaa i kuoma ropuina ka nei khan tuhin nangma hmaa ngei mi chawimawi rawh.

"Nangin hi khawvela mi i mi pekhai kuomah i hming ka puong dar tah a, anni chu i ta an na, anni chu i mi pek a, i thu khom an zawm tah.

Tuhin chu i thil mi pek po po hi nangmaa inthoka suok a nih ti an hriet tah.

Nangin thu i mi pekhai kha an kuomah ka pek a, an lo pom a; i kuoma inthoka hung ka ni ngei ti an hriet tah a, nangin kei i mi tir a nih ti khom an ring tah.

"Keiin an ta dinga ka ngenpek hi khawvel ta ding ni loin, nangin i mi pekhai ta ding lema ka ngenpek a nih, i t� an ni si a.

10.

Ka t� po po chu i t� a na, i t� chu ka t� a ni bok, anniah chawimawiin ka um tah.

11.

Kei chu i kuoma hung ta ding ka na, khawvelah um ta naw ning, anni ruok chu la um an tih. Pa Thienghlim, nangin kei i mi pekhai hi i hming thilthawtheinain hum rawh- hming i mi pek ngei khan, chuongchun eini ang boka pum khat an ni ve theina dingin.

12.

"An kuoma ka um sung po nangin i mi pek hming hin ka hum hlak, anni chu ka veng a, anni laia pakhat khom an bohmang nawh, hremhmun naupa ti chauh naw kha chu, Pathien Lekha thu a hung tlung kimna dingin.

13.

"Tuhin chu i kuom tieng ka hung ding a ni ta a, sienkhom khawvela ka la cham sung hin hieng thu hi ka hril tawl a nih, ka lawmna kim chu anniah an neina dingin.

14.

I thu an kuomah ka pek tah a, kei khawvel mi ka ni naw ang boka khawvel mi an ni ve naw leiin khawvelin anni chu a theida a nih.

15.

"Anni chu khawvela inthoka la suok dingin ka ngen naw che a, mi suol laka inthoka hum dingin ka ngen lem che a nih.

16.

Khawvel mi an ni nawh, kei khawvel mi ka ni naw ang bok hin.

17.

Anni chu thutakin sukthienghlim rawh; i thu chu thutak a ni si a.

18.

Khawvela i mi tir ang khan kei khomin anni chu khawvelah ka tir a nih.

19.

Anni leiin ka'n ser thienghlim a, anni khom thutaka an inser thienghlimna dingin.

20.

"Hienghai ta ding chauh hin ka ngenpek naw a, an thu leia kei mi la ring dinghai ta ding khomin ka ngenpek a nih.

21.

An rengin inpumkhat hai sien; Pa, keimaah nang i um a, nangmaah kei ka um ang hin anni khom einiah um hai sien, nangin kei i mi tir ti khawvelin an ring theina dingin.

22.

Ropuina i mi pek kha keiin anni ka pek tah, eini pum khat ei ni ang boka pum khat an ni ve theina ding le

23.

kei anniah, nang keimaah i um ang boka anni khom pum khat ni a, an famkim theina ding le nangin i mi tir le i mi hmangai angin anni hi i hmangai ti khawvelin an hriet theina dingin.

24.

Pa, nangin i mi pekhai hi ka umnaah ka kuoma um dingin ka dit a nih, nangin i mi hmangai leia hnuoi insieng hmaa inthoka i mi pek ropuina kha an hmu zing theina dingin.

25.

Aw Felna Pa, khawvel chun a hriet naw che, kei ruok chun ka hriet che; hienghai khom hin nangin kei i mi tir ti an hriet.

26.

An kuomah i hming ka'n hriettir a, inhriettir pei ka tih, nangin kei i mi hmangaina chu anniah um a, kei anniah ka um theina dingin" a ta.

← John (17/21) →