John (16/21)  

1. "Sukthluka in um nawna dingin hieng thu hi in kuomah ka hril a nih.
2. Sunagogah inhnongtir an ti cheu a; a thattu cheu chun Pathien rongbawla an inngai hun la tlung a tih.
3. Pa le kei an mi hriet naw leiin chuong ang thil chu thawng an tih.
4. A hun a tlung pha leh ka lo hril vong ta cheu ti in hriet theina dingin hieng thu hi in kuomah ka hril a nih. In kuoma um ka la ni leiin hieng thil hi kh� hm� khan ka hril naw cheu a nih.
5. "Tu ruok hin chu a mi tirtu kuomah ka kir ding a ni tah a, amiruokchu tu khomin 'Khaw lam i fe ding?" ti in mi'n don si nawh.
6. Hieng thu hi in kuomah ka hril lei cheuin lungngaiin in sip nawk si a.
7. Nisienlakhom, thu dik tak ka hril cheu hi, ka fe hi in ta dingin a tha lem, ka fe naw chun Thlamuongtu chu in kuomah a hung naw ding a ni si a; ka fe ruok chun in kuomah hung tir ka tih.
8. Ama a hung tlung ph� chun suol thua dam, thiem changna thua dam le rorelna thua dam khawvel hi a'n dik nawzie inhriettir a tih
9. Suol thua an indik nawna chu kei an mi ring nawna hi a nih.
10. Thiem inchangtirna thuah chun kei Pa kuoma fe ding ka ni a, an mi hmu thei ta naw ding lei hi a nih.
11. Rorelna thua chun hi khawvel lal hi thiem naw changa ruot a ni ta zing lei a nih.
12. "In kuomah thu tam tak hril ding ka la nei ta rop a, amiruokchu tuhin chu la dawl zo hri naw ti niu.
13. Thlarau indik tak a hung tlung pha ruok chu thutak po poah thuoi lut a ti cheu. A phuokfawm thu a hril awm si nawh; thu a donghai chu hril lem a ta, thil la hung tlung ding khom hril a ti cheu.
14. Ama chun kei mi chawimawi a ta, ka taa mi lang a ta, chu chu inhriettir a ti cheu.
15. Pa thil nei po po ka ta a nih; chu lei chun annawm 'ka taa mi lang a ta, chu chu inhriettir a ti cheu' ka ti nih.
16. "Sawt naw teah nangnin kei mi hmu ta naw ti niu a, sawt naw tea bok mi la hmu nawk in tih" a ta.
17. A zirtir laia thenkhat chun, "Sawt naw teah nangnin kei mi hmu ta naw ti niu a, sawt naw tea bok mi la hmu nawk in tih' a ti le 'Pa kuomah ka fe ding leiin' tia ei kuoma a hril hi ieng a ti na am ning a ta?" tiin an indon tuo a.
18. Anni bok chun, " Sawt naw te a ti hi iem ning a ta? A hril umzie ei hriet map naw a nih" an ta.
19. Thu an indon nuom ti Isun a hriet a, an kuomah, " Sawt naw teah mi hmu ta naw ti niu a, sawt naw tea bok mi la hmu nawk in tih' ka ti kha in indon a ni maw?
20. Thu dik tak ka hril cheu hi, nangni mitthli tlain tap in ta, khawvel ruok chu hlim a tih; nangni lungngai in ta, sienkhom in lungngaina chu lawmnaah inchang a tih.
21. Nuhmei nau nei hun a hung tlung chun nau ha se inrim takin a tuor hlak a; sienkhom a nau a hung pieng chun a tuorna chu a hriet zing ta nawh, khawvela mihriem hung pieng chu a lawm leiin.
22. Chuong ang bokin nangni khom tu hi in lungngai hun a na, sienkhom hmu nawk ka ti cheu a; chuongchun, in lungril hlim a ta, in hlimna chu tu khomin la hmangpek nawng an ti cheu.
23. Chu nia chun nangnin ieng khom mi hni ta naw ti niu. Thu dik tak ka hril cheu hi, Pa kuoma ka hminga in hni taphot chu peng a ti cheu.
24. Tu chen hin ka hmingin ieng khom in la hni nawh; hni inla hmung in tih, in lawm a kimna dingin.
25. "Tu chen hin chuong thu chu a thawi zawngin in kuomah ka hril hlak a; amiruokchu tlang taka ka Pa chanchin in kuoma ka hril hun ding a hung tlung mek a nih.
26. Chu ph� chun P� kuomah hnipek ka ti cheu ka ti naw a, ka hmingin thil hni lem in tih.
27. Nangnin in mi hmangai a, Paa inthoka hung ka nih ti in ring leiin Pa chun a hmangai cheu a nih.
28. Pa kuoma inthoka hung suokin khawvelah ka hung a, tuhin khawvel maksanin Pa kuom tieng ka kir nawk ding a nih" a ta.
29. A zirtirhai chun a kuomah, "Tuhin chu a thawia thu hril loin chieng takin i mi hril tah hi.
30. Iengkim i hrietzie le tu indon buoi khom i ngai nawzie tuhin chu kan hriet tah. Hi lei hin Paa inthoka hung i nih ti kan ring" an ta.
31. Isun, "A tawp a tawpa chu in mi ring ta tawk ie!
32. Ngai ro, a hun a hung tlung ding a na, a tlung ta zing a, in in sengah tlan dar in ta, ka khat chauin mi maksan in tih. Sienkhom ka mal nawh, ka P� ka kuomah a um leiin.
33. Keimaah thlamuongna in hmu theina dingin hieng thu hi ka hril cheu a nih. Hi khawvela hin buoina tuok hlak in tih. Nisienlakhom huoi takin um ro, keiin khawvel ka ngam tah" a ta.

  John (16/21)