John (15/21)  

1. "Kei hi grep kungpui tak chu ka nih, huon neitu chu ka P� a nih.
2. Ka zompui kau a ra naw taphot chu a hlim kang a,s a ra taphot chu a ra tam zuolna dingin a'n thiel fai hlak.
3. In kuoma thu ka hrilhai lei hin in fai ta pang a nih.
4. Keimaah um zing ro, kei khom nangniah um zing ka tih. Kau chun grep kungpui a zom zing naw chun a khatin a ra thei naw ang bokin, nangni khom keimaah in um zing naw chun ra thei naw ti niu.
5. Kei hi grep kungpui chu ka nih, nangni a kauhai chu in nih. Tu khom keimaa um zing le kei khom amaa ka um zingna chu a ra teu hlak; ka thang loin ieng khom in thaw thei si nawh.
6. Tu khom keimaa um zing naw chu kau sat thlak angin an peihawn a, a hung vuoi a, an rut khawm a, meiah an pei a, a kang hlak.
7. Keimaah in um zing a, ka thu nangniah a um zing bok chun in dit taphot hni unla, pekin um in tih.
8. Ka zirtirhai ni a, ra tam tak in insuo hin ka Pa chu chawimawiin a um hlak.
9. Pain a mi hmangai leiin kei khomin ka hmangai cheu hi, ka hmangaiin um zing ro.
10. Ka thupekhai in zawm chun ka hmangaiin um zing in tih, keiin ka Pa thupekhai ka zawm a, a hmangaia ka um zing ang hin.
11. "Nangniah ka lawm zing theina ding le in lawmna chu a famkim theina dingin hieng thu hi ka hril cheu a nih.
12. Hi hi ka thupek chu a nih; ka hmangai ang cheu hin nangni khom inhmangai tuo ro.
13. Mani ruolhai ta dinga hringna petu neka hmangaina nasa lem nei mi an um nawh.
14. Ka thupek in zawm chun ka ruolhai in nih.
15. Siehlaw ti nawk ta naw ning cheu. Siehlaw chun a pu thilthaw a hriet nawh. Ruolhai ka ti lem cheu a nih, ka Pa kuoma inthoka thil ka hriet po po in kuomah ka puong ta si a.
16. Nangnin in mi thlang naw a, keiin ka thlang lem cheu a, fe suoka ra insuo ding le insuo zom zing dingin ka thlang cheu a nih. Chuleiin, ka hminga in hni taphot chu Pain peng a ti cheu.
17. Hi hi ka thupek chu a nih: Inhmangai tuo ro.
18. "Khawvelin a theida cheu chun, a theida hma cheuin kei a mi theida tah ti hre ro.
19. Khawvel mi ni unla chu, a ta angin hmangai a ti cheu. Tu ruok hin chu, khawvel ta in ni tah naw a, khawvela inthokin ka thlang suok lem cheu a nih. Chuleiin, khawvelin a theida cheu a nih.
20. Siehlaw chu a pu nekin a ropui nawh' ti ka hril tah cheu kha hre zing ro. Kei an mi suknomna chun nangni khom suknomnang an ti cheu. Ka thu an zawm chun nangni thu khom zawm an tih.
21. Ka hming leiin hieng po po hi nangni chungah thawng an tih, a mi tirtu an hriet naw leiin.
22. Keima hungin an kuomah thu hril naw lang chu suol leia thiem naw changna an nei naw ding a na; tu ruok hin chu suonlam siem thei an ni ta nawh.
23. Tu khom keima mi theidatu chun ka Pa khom a theida a nih.
24. Mi thaw ngai lo thil anni lai hung thaw naw lang chu, suola thiem naw changna an nei naw ding a na; tu ruok hin chu thilmak ka thawhai an hmu tah a, chuong sa khom chun ka Pa le kei an mi theida ta fan a.
25. Ieng khom ni sien, an Dan lekhabua 'Annin a san boin an mi theida' ti ziek kha a hung tlung kimna ding a nih.
26. "Chun, Thlamuongtu, Pa kuoma inthoka ka hung tir ding, Paa suok Thlarau indik tak chu a hung tlung pha leh ama chun ka thu inhriettir a tih.
27. Nangni khom a tira inthoka ka kuoma um in ni leiin ka thu hretuhai in nih.

  John (15/21)