← Joel (3/3) |
1. | "Chuong nihai le chu huna chun,Judai ram le Jerusalem vangneina chu,Ka tungding nawk ding a nih. |
2. | Jehosafat Ruoma chun,Hnam tinhai ko khawm ka ta,Ka rochan, ka mi Israelhai,Hnam tin laia hnot dartu le,Ka ram sem dartu hnamhai chu,An chungthu la rel ka tih. |
3. | Thum vawrin ka mihai an insem a,Pasaltehai chu nawchi manah an zor a,Nuhmeitehai chu an dawn ding,Uoiin inchawkna manah an zor bok. |
4. | "Aw nangni Tura le Sidon le Filistin ram biel po pohai, ieng leia hienga in mi khing am a na? Ka thilthawhai kha mi thungrul in tum am a ni? Mi thungrul in tum a ni chun ka chunga in thaw ang char chu inrang takin in lu chungah bun let ka tih. |
5. | Ka tangkaruo hai, ka rangkachak hai le ka rohlu tam takhai chu lain in tempulah in hlu lut a. |
6. | Judai rama mihai le Jerusalem mihai chu an rama inthoka hla taka an inson hmang theina dingin Grik mihai kuomah in zor bok a. |
7. | "Ngai ro, in zorna hmuna inthok khan anni chu hung chok tho ka ta, in thilthaw chu in lu chungah hung bun let an tih. |
8. | In naunu le naupahai chu Juda mihai kuomah zor ka ta, anni chun kawl kila um Sabed mihai kuomah zor sawng an tih" ti hi LALPA kam suok thu chu a nih. |
9. | Hi thu hi hnamhai lai puong ro:Indo dingin in buotsai ro!Pasalthahai kha chok tho ro! Ral do thei chin hung hnai unla,Hma tieng norin bei ro! |
10. | In lo keina langkumhai kha,Kawlhnama hmang di'n sut unla,Thei kau tanna chemkuoi kha,Feia hmang dingin sut ro. Mi hrat naw khomin, "Takchapa!Ka hrat a nih" ti raw hai se. |
11. | Nangni a se vela hnam po pohai,Inhmaw takin hung tlan unla,Chu taka chun pung khawm ro.Aw LALPA, i pasaltha ruolhai chu,Hung tir thla tawl tah raw khai! |
12. | Hnamhai inralring hai sien,Jehosafat Ruom pan raw hai se;Chu taka chun inthung ka ta,Hnamhai chungthu chu rel ka tih. |
13. | An suolna a rapthlak em a,In kawitehai kha vilik ro,Bu sik dingin a hmin tah.Grep sawr khura sir sawr angin,A kuong sipin sir sawr ro,Uoiin bela liem zur zur khopin. |
14. | Mipui an pungkhawm luoi luoi,Rorelna ding ruoma chun;LALPA ni chu a tlung hnai tah,Rorelna ding ruoma chun. |
15. | Ni le thla inthim a ta,Arasi khom de ta naw nih. |
16. | LALPA chu Zion-a inthokin,Hung inrum dur dur a ta,Jerusalema inthokin,Van inrum angin inrum a ta,Hnuoi le van inthin a tih.A mihai ta ding ruok chun,LALPA chu an inhumhimna,Israel thlahai kulpui ning a tih.Pathien mihai ta dinga malsawmna |
17. | Chu ni a hung tlung pha chun,Kei, LALPA in Pathien ngei hi,Ka tlang thienghlim Zion-ah,Ka cheng ti hre tang in tih.Jerusalem chu thienghlim a ta,Hnam danghan run ta ngai naw nih. |
18. | "Chu nia chun tlanghaiin,Uoiin thar insuong an ta,Muol tina chun nene tui,Hung put thla huou huou a ta;Ruom tinah tui luong a tih.LALPA ina inthokin,Tui hnar inchik suok a ta,Sitim ruom chawm hnawng a tih. |
19. | Judahai chungah nunrawnga,Poi tawk lo thisen an insuo leiin,Aigupta chu ram vong a ta,Edom chu thlalerah inchang a tih. |
20. | Judai ram chu hluo kumkhuong an ta,Suon a'nthoka suon nawk peiin,Jerusalem chu hluo tang an tih. |
21. | An thisen phuba lang ka ta,Thil suol thawhai chu hla naw ning,LALPA chu Ziona cheng a ni si! |
← Joel (3/3) |