Joel (1/3)  →

---

1.

Pethuel naupa Joel kuoma LALPA thu hung tlung chu:

2.

Upahai, lo ngaithla unla,A rama chenghai po poin,In na lo daw seng ro khai.In pi le puhai huna khom,Hieng hi a tlung ta hlak am?

3.

Chu thu chu in nauhai hril unla,In nauhan an nauhai hril hai sien,Suon tinin inhril sawng pei raw hai se.

4.

Khau hon fak mahlahai chu,Khauthikthiin an fak a,Khauthikthi fak mahlahai chu,Tuktulungin an fak a,Tuktulung fak mahlahai chu,Thil ngeina an fak zo a.

5.

Zu ruihai, tho unla, tap ro!Uoiin dawntuhai, tap khek ro,In uoiin thar chu ta ro,Dawn ding in nei ta si nawh.

6.

Ka ram hung runtu hnam chu,An hratin an tam hle a,Sakeibaknei ha ang an nei a,Keipui ngho ang ngho an nei bok.

7.

Ka grep huonhai an chil siet a,Ka theichang bil an suksiet a,A kauhai an hmal thlak a,A zarhai a hung rop zo tah.

8.

Nunghakin a pasal huol lai,A sun angin nangni khomin,Saiip silin tap ve ro.

9.

LALPA ina inhlan ding,Bu le uoiin a um ta nawh;LALPA hmaa rongbawltu,Thiempuhai lung an vai zo.

10.

Lohai an suksiet vong a,Hnuoi inhilin a char bor a,Buhai an hung rop vong a,Uoiin thar a kang chat a,Oliv hriek a suok ta nawh.

11.

Loneitu le grep chingtuhai,Beidong takin tap khek ro.In huit le barli bilhai ta ro,Sik ding hrim in nei ta nawh.

12.

Grep kung a vuoi zo ta a,Theibufai hai, tum thing hai,Epul thei le thing hrim hrim khom,A rengin an tawl zo a,Hringmi lunglawmnahai chu,An lo vuoi hmang zo ta si.

13.

Thiempuhai, saiip silin sun ro,Maichama rongbawltuhai, tap khek ro.Pathien hmaa rongbawltuhai,Saiip silin hung unla,Zankawvarin zal thlep ro,In Pathien ina inhlan dingBu le uoiin a um ta si nawh..

14.

Bu ngheiin umni kham unla,Inkhawmpui lien buotsai unla,LALPA Pathien ina hung dingin,Upahai le a rama chenghai po po,An rengin incha khawm unla,LALPA chu koin khek suok ro.

15.

Chu ni chu a chung a pik ie!LALPA ni chu a hnai ta si a;Iengkimthawthei chun sietna,A hung intlungtir ding a nih.

16.

Ei mithmu ngeiah bu le bal,Lak hmangpekin ei um a,Ei Pathien ina ei hlimna leEi lawmnahai a chuoi zo tah.

17.

Hnuoia thlai chi a tawl zo a,Bupanghai khom a tiek zo a,Bu in khom a tlu ram zo a,Bu hlek te khom a um ta nawh.

18.

Tlatna hmun hring invaiin,Beidongin bawng ruol an inbu a,Beram ruol an hril a hai.

19.

Aw LALPA, nang ka ko che,Meiin ram hring a lem zo a,Rama thing khom a kang zo tah.

20.

Ramsahai khom nangma ngaiin,An inthuok hlop hlop a nih;Tui hnar po po a kang zo a,Ran tlatna hmun hring po po khom,Meiin a kang ram zo tah.

---

Joel (1/3)  →