←  Job (7/42)  →
1. "Hnuoi mihriemhai hin harsatna,Tawn ding an nei zing an naw maw?An ni tin chu inhlawfa ang elin,An hmang liem hlak an naw maw?
2. Deihlim ngai saltang ang le,Hlaw lak nghakhla inhlawfa angin,
3. Tlaktlaina hrim nei der loin,Thla tam ka hmang ral ta a,Ka chan chu zan rinum chauh a nih.
4. Zanah ka hang zal pha leh,"Ieng tik am ka tho ding maw!" ka ta,Zan khuo a sawt thei em em a,Khaw var zakin ka'n let ka'n let a.
5. Ka pang inlungin, hnaiin a sip a,A hung inhil a, a puok koi nawk hlak.
6. "Puonkhawngtu khawthei nekin,Ka nihai hi an liem inrang lem a,Beisei boin a tawp nawk hlak.
7. Aw Pathien, ka hringnun hi,Thuok chauh a nih ti hre zing la,Ka mitin hlim ni hmu ta naw nih.
8. Tuta mi hmutu mit hin,Mi hmu zing ta naw ni a,I mit ka chungah a fuk laiin,Lo liem hmang dai tang ka tih.
9. Sum inkienga a tham ral angin,Thlana liem hnung an kir ngai nawh.
10. An inah an kir ta ngai naw a,An hmun khomin a hriet zing nawh.
11. "Chuleiin, ka bau hi khar naw ning: Lung na takin hril pei ka ta,Ka thla hi nuor ngawi ngawi a tih.
12. Kei hi Tuipui am ka ni,Kei hi Rulpui am ka ni,Hienga mi enthlatu i sie zing hi?
13. "Ka khumah zal hadam ka ta,Ka rinumn tuor po pohai hi,Ka in pha theinghil ka tih"Tia ka'n ngaituo laiin,
14. Nangin ka mang i suksiet a,Inlarna thuin i mi'n thi a.
15. Hi taksa ina cheng zing nek hin,Rek hluma um ka thlang ta lem.
16. Ka nun ka tirdak put put a,Dam zing khom ka nuom ta nawh.Hun tawite ka la nei sung hin,Mala um di'n mi fesan rawh.
17. "Mihriem hi iem a ni hrim a,A chungah i lungril innghat tlat a,
18. Tuk tin ama chu kan zing a,Ieng lai khoma i fie hlak ni?
19. Ieng leia mi nghatsan lo a,Ka chil lem sung ringot khom,I mi'n thla naw am a na?
20. Aw nang mihriemhai vengtu,Ka suol pal a lo ni khomin,Ieng am a na ka thaw suol?Ieng leia i mi thlur bik am?Ieng leia i phur rik ka chang?
21. Ieng leia ka bawsietna chu,I ngaidam el naw am a na?Ieng leia ka khawhlona chu,I lakhmang naw am a na?Pila kir vak ding ka ni tah,Mi zong la khom um ta naw ning."Bildad donna
←  Job (7/42)  →