←  Job (42/42)

---

1.

Chun, Joba chun LALPA chu a don a:

2.

"Iengkim i thaw thei ti ka hriet a,I tum chu tu khomin an dal thei nawh.

3.

Tu am a na hrietna nei si loa,Ka remruot lo kaltu hi?' tiin i'n don a.Ni e, kei ngei hi ka ni annawm,Ka hriet lo thilhai ka lo hril a nih,Ka hriet phak lo thil ropui takhai chu.

4.

Nangin, 'Mi lo ngaithla rawh,Tong ka ta, thu indon ka ti che a,Chu chu i mi sang ding a nih' i ta.

5.

N� ringotin ka lo hriet hlak che a,Tu ruok hin chu mitin ka hmu ta che;

6.

Chuleiin, keima hi ka'n tirdak a,Vut le pilvutah thungin ka sim"tiin.

7.

LALPAN Joba kuoma chuong thu a hril zo chun Teman mi Elifaz kuomah, "Ka siehlaw Joba angin ka chungchang thu indik taka in hril naw leiin i chunga le i ruolhai pahni chunga khan ka lung a sen hle a nih.

8.

Chuleiin, tu hin bawngchal pasari le beram chal pasari keiin ka siehlaw Joba kuomah fe unla, in ta dingin pumraw inthawina thilhlan chu va'n hlan unla, ka siehlaw Joba chun tongtaipek a ti cheu a, chu chu lo pom ka ta, in indik nawna angin in chungah thaw naw ning; ka siehlaw Joban a thaw angin ka chungchang thu indik takin in hril nawa chu" a ta.

9.

Chuongchun, Teman mi Elifaz le Suha mi Bildad le Naamat mi Zofar hai chu Joba kuomah an fe a, LALPAN thu a pek ang tak chun an thaw a, LALPA chun Joba hnina chu a lo pom a.

10.

A ruolhai pathum ta dinga Joba a tongtai hnung chun LALPAN Joba chu a sukhmuingil nawk a, a hmaa a nei let hni a pek a.

11.

Chuongchun, a unauhai le a farnuhai po po le kha hmaa a hmelhriet po po hai kha an hung a, a inah ruoi an kil tlang a; LALPAN a chunga thil tha naw a'n tlungtirna chungah an tuorpui a, an thlamuong a, mi tinin tangkaruo kesitap khat seng le rangkachak kutsebi an pek a.

12.

Chuongchun, LALPAN Joba hun nuhnung tieng chu a hmasa neka nasa lemin mal a sawm a, beram singkhat le sangli, sanghawngsei sangruk, bawngchal tuok sangkhat le sabengtungpui sangkhat a nei a.

13.

Naupa pasari le naunu pathum a nei bok a.

14.

A naunu upa tak hming chu Jemima a na, a pahnina chu Kezia a na, a pathumna chu Keren-Hapuka a nih.

15.

Joba naunuhai anga hmel tha a ram puma chun tu khom an um nawh. Joba chun a naunuhai chu an tahai ang bokin rochan a siempek vong a.

16.

Chuong lai chun Joba chu kum za le sawmli a ni ta a, a naupahai le a tuhai khup li chen a hmu hman a. Chuongchun, Joba chu ngal fima damin, tar takin a thi ta a.

17.

(A um nawh)

---

←  Job (42/42)