←  Job (40/42)  →

---

1.

ALPA chun Joba kuomah a hril zom pei a:

2.

"Mawsiet ding zongtu chun,Iengkimthawthei a la cho pei a ni?

3.

Joba chun LALPA chu a don a:"Ngai ta, kei tlaktlaina nei lo hin,

4.

Iengtin am don ka ti che a?Ka bau ka hup el a nih.

5.

Voi khat ka hril taa chuh, Donna hrim ka hmu naw a,A nih, voi hni zet a ni ta lem,Ieng khom hril sap ta naw ning."

6.

LALPA chun thawngaleivira inthokin hieng ang hin Joba chu a hung don a:

7.

"Pasal takin inseru la,Thu indon ka ti che a,Chu chu i mi don ding a nih.

8.

"Ka thurelhai sukmuolphoin,Nangma thiem chang theina dingin,Thiem naw i mi'n changtir ding maw?

9.

Pathien ban ang ban i nei maw?A rawl angin i'n rum ve thei maw?

10.

Chuong an leh insukropui la,Inzaumna le lalnaa inthuomin,Mawi takin hang inchei raw leh.

11.

I lungsen sip liem chu hrik thla la,Chapo taphot en la, suktlawm tawl rawh.

12.

Mel rum tawl la, suktlawm la,Mi rilohai chu an ngirhmuna inthokin,Phet thla la, sir sop neng rawh.

13.

An rengin pilvutah phum la,Thlan sungah an hmai tuom rawh.

14.

Chu pha chun i kut chang tiengin,Nang le nang i'n sanhim thei ti,Keima ngeiin hre tang ka tih.

15.

Nangma ang boka ka siem,"Behemotn hi en hman ta,Bawng anga hlohna ring mi a nih.

16.

A kawng tha hang hratzie le A phing tihrol mukzie hi en rawh.

17.

A mei chu sidar thing ang el a na,A mal thahai chu an inphan tuk a.

18.

A ruhai chu dar tluon ang a na,A kefuhai khom thir tluon ang a nih.

19.

Ka thilsiemhai lai khom hin,A mak chungchuong ve a nih,Sienkhom kei chun ka ngam thei.

20.

Tlangha'n a bu ding an insuo a,A vel chu ram sahai tuolchaina a nih.

21.

Duma phairuong bil kara umin,Lotus buk hnuoiah a bok a,

22.

Lotus buk chun a zar hlie a,A velah phahram a ngir khup a.

23.

Tui lien sang a ti der nawh,Jordan kuong liem zur zur khom.

24.

A'n ralring lai tuin am manin,Khuopin, a hnar verpek thei an ta?

---

←  Job (40/42)  →