| ← Job (39/42) → |
| 1. | "Tlanga sakelhai intet hun i hriet am?Zukpuiin te a nei lai i hmu ta'm? |
| 2. | Thla ieng zat am an pai i tiem am?Te an nei hun i hriet am? |
| 3. | An bok a, te an nei a,An nauha se a re a. |
| 4. | An tehai chu ram palailengah,Hrat takin an hung seilien a,An puihai maksanin an fe dar a, An hung kir nawk ta ngai nawh. |
| 5. | Tuin am ram sabengtung hi,An insuo zalen a na?A thlungna hruol tu'n am a sut? |
| 6. | A tlatna di'n ram ruok ka pek a,Si tamna ruomah ka'n chengtir a. |
| 7. | Khawpui ri sie a ngai thei naw a,Khaltu khek ri a hriet ngai nawh. |
| 8. | A tlatna chu tlangpui dung a na,Hna hring taphot a zong hlak. |
| 9. | "Ramsiel i vai ngam thei ding?I ran bukah a riek nuom ding? |
| 10. | Changkuongah langkawn batin,I ta dingin lo a kei ding? |
| 11. | A tha a hrat ti lei ringotin,Ringsanah i hmang thei ding? |
| 12. | I buphalhai hung la khawma,Hrizawla thak khawm dingin,I dande thei ding am a ni? |
| 13. | "Ostrikm thla zap ri chu,Ieng angin hlimum sien khom,Kanghlai thla chang le hmul leh,Hang tekhi thei chi a ni nawh. |
| 14. | Hnuoiah a'n tui a,Pilvutin a vur lum a, |
| 15. | Miin hung sir koi an ta,Ram sain chil koi an tih,Ti hrim hrim a ngaituo nawh. |
| 16. | A tehai chu a te naw ang topin,Indoi der loin a soisak a,A'n rim thlawn ding le ding naw,Ieng khom a ngaituo ve nawh, |
| 17. | Pathienin varna tlasamin a siem a,Hriet thiemna a pek ve naw leiin. |
| 18. | Tlan dinga thla a phar ruok chun,Sakor le a chungchuonghai a tham nawh. |
| 19. | "Sakor hratna hi i pek a ni?A ring hmul hi nangma chei a ni? |
| 20. | Khau anga inchawm thei dingin,Nangin hratna thahrui i pek a ni?A hnar hnawt ri tiumzie dam hi? |
| 21. | A kein hnuoi a hang thai a,A tha a hung inza zok zok a,Indona hmason dingin a suok a, |
| 22. | A ti naw a, a zam bok naw a,Kawlhnam lakah a'n tim nawh. |
| 23. | A chunga thal bawm an ri rok rok a,Fei le thal a hung tle zuoi zuoi a. |
| 24. | A kein hnuoi a thai nasa zuol a,Tawtawrawt ri a hriet pha chun,A ngir tok tok thei ta ngai nawh. |
| 25. | Tawrawrawt ri a hriet chun,'Khai leh!' tiin hnar a hnawt a,Ral hla taka inthokin,Indo rim a hriet thei a,Kawmandarhai khek ri leHawhawa an innor rihai chu. |
| 26. | "Mute hi i varna leia thla zarin,Sim tieng panin a vuong a ni? |
| 27. | Van sanga leng muvanlai khi,I thupek leia vuongin,Hmun sangah bu a sep a ni? |
| 28. | Rawl khoah chengin a riek a,Lungtolawt kak karhai chu,A ta di'n kulpui nghet an nih. |
| 29. | Chutaka inthokin fak ding,Zongin a melkai hlak a,Hla tak tak khom a hmu thei. |
| 30. | Thisenin a tehai chu a chawm a,Saruong umna photah a um hlak. |
| ← Job (39/42) → |