←  Job (38/42)  →

---

1.

Chu zoa chun LALPAN Joba chu thawngaleivira inthokin a hung don a. Hieng hin a hril a:

2.

"Tu am a na hrietna nei si loa,Ka thurawnhai thu ni loa selkaltu hi?

3.

Pasal takin dier kei sing la,Thu indon ka ti che a,Chu chu i mi sang ding a nih.

4.

"Hnuoi thut ka phum lai khan,Nang khaw lai am i um a?I hriet thiem chun mi hril rawh.

5.

Tuin am a lienzie a'n khi a?Tuin am a'n khina hrui a kei zam a?

6.

A thut chu khaw lai am a'n nghat a?A kil thut lung chu tuin am a phum a?

7.

Zing arasihaiin zai hla rem a,Vantirkohail hlima an khek lai khan,Nang khawlai am i um a?

8.

"A sula inthoka tuipui a te lai khan,Tuin am kot a lo khar khum a na?

9.

Sum chu a silfen dingin ka siem a,Thim sa takin ka tuom khum a;

10.

A chim chin dinghai ka ruot a,A dangna le kharna ding khom;

11.

Hi chen hi hung chim thei i ta,Hi bak hi chu phal ni naw nih,I tui fawn sanghai khomin,Hi chen chauh hi an chim thei'Tiin ka hril a ni kha.

12.

"Zing tieng nisa hung suok ding le Khawfing khom hung chat dingin,Thu i pek ta hlak hrim hrim am?

13.

Hnuoi phek chu a kiah man a,Mi rilohai chu thin thla dingin,Thu i pek ta hlak hrim hrim am?

14.

Pilpok chunga suoi nam angin,Hnuoi chu a hung inlang chieng a,Silfen rong hrang hranga chei angin,A hmelhmang a hung inlang hlak.

15.

Mi rilohai chu var pek an ni naw a,Ban an phar a, suktliekin a um a.

16.

"Tuipui hnarhai chu sirin,Lipui rilhai i fang ta hlak am?

17.

Thina kotkhar an inentir ta che?Thina hlim kotkhar i hmu ta hlak am?

18.

Hnuoi lienzie i ngaituo ta hlak am?Hienghai hi i hriet chun mi hril rawh.

19.

"Var chengna in lampui i hriet am?Thim hi khaw laia cheng am a na?

20.

An umna hmunah thuoi thei i ti?An in lampui i hriet am a ni?

21.

Hre ngei i tih, i pieng ta si a,I kum khom a tam ve ta hi!

22.

"Vur siekhawmnaah i lut ta hlak am?Riel siekhawmna i hmu ta hlak am?

23.

Buoi huna dinga ka sie khawl leIndo le inbei huna dinga ka khek a nih.

24.

Var suokna lampui khaw la'm a na?Sak thli hung suokna hmun khom teh?

25.

"Ruopui vanawn sur thlakna di'n,Tuin am kor ruom a cho a?Tek tlakna ding lam tuin am a siem?

26.

Tu cheng nawna thlaler ramah,Tuin am ruo a'n surtir a?

27.

Hlobet hring intotir dingin,Ram se tawl le rausan hmunhai,Tuin am a sukhnawng a na?

28.

"Ruo hin pa a nei am a ni?Daidaw hi tuin am a hring a na?

29.

Tu sula inthokin am,Vur khal a hung suok a na?Vana inthoka zil hung tla hi,Tuin am a hring thlak ning a ta?

30.

Tui khom lung angin a chang a,Tuipui inthuk chunghai an inkhal.

31.

"Siruk khi i khit khawm thei am?Sizucho intlar khi i phel dar thei am?

32.

Arasi bawrhai khi an hun bi takah,Hung inlang dingin thuoi thei i ti?Zangkhuo khi a te hruoihai leh,I hung thuoi thei ding am a ni?

33.

Vanvel inop dan i hrieta maw?An invong danhai chu hnuoiah,I hmang ve thei di'm a ni?

34.

"Sum khi hang khek khum rak la,Ruopui vanawn i ko thlak thei ding?

35.

Tek chu a tlakna dingah i tir thei ding?'Hi taka hin kan um' an hung ti ding?

36.

Tuin am lungvar le hrietthiemna a pek?

37.

Tu am sum tiem thei dinga varna nei?Tu am van tuibel tong baw thei ding?

38.

Ieng leiin am pilvut hi inhlomin,Pil tlanghai hi an inmat thei a na?

39.

Keipui ta dinga fak zongpekin,Sakeibaknei phingtam chawmin,

40.

An puka an bok lai lehimbuka se ding an inchan laiin,I enkol thei tawl ding am a ni?

41.

Vaakte ruol phingtam invakin,Pathien koa an inchiek lai khan,Tuin am an puihai kuomah,An fak ding a pek tawl a na?

---

←  Job (38/42)  →