| ← Job (35/42) → |
| 1. | Elihu chun a hril zom pei a: |
| 2. | " 'Pathien hmaah ka fel a nih' i ti hi,Thil indikah i ngai am a ni? |
| 3. | Iem ka fel chu ka hlawkpui a?Thil suol lo thaw naw dam ni lang,Iem ka ta din a tha chuong a?' i ti a. |
| 4. | "Nang le i kuoma um i ruolhai hi,Keiin hang don tawl ka ti cheu. |
| 5. | Van tieng dak la, hang en ta,I chung daia sumhai khi thlir rawh. |
| 6. | I suol khan Ama a tawk buoi phak maw?I bawsiet teu khan iem Ama a tawk buoi? |
| 7. | I fel kha Aman a hlawkpui duok a ni?Ieng am pek ve thei i nei hrim hrim a? |
| 8. | I ritlona chun nang ang mihriem a tawk a,I felna chun mi danghai a tawk thei. |
| 9. | "Neksawrna hnuoia inrumhai chun,Mi hrathai kuta inthoka san an ngen a. |
| 10. | Nisienlakhom mi tu khomin,'Khaw la'm mi Siemtu a um,Zana khom hlahai mi'n saktirtu, |
| 11. | Hnuoilenghai neka mi zirtir rawntu,Chunglenghai neka vara mi siemtu chu?'Tiin an indon ngai hrim hrim nawh. |
| 12. | An ko khomin a don tawl nawh,Mi rilohai lungril chapona leiin. |
| 13. | Samphuol mei meia an kona chu,Pathienin a ngaisak naw a,Iengkimthawtheiin a bengkhon nawh. |
| 14. | Ama chu hmu loa inhril sia,I chungthu rel dinga i nghak si chu,A va ngaisak naw zuol awm che de! |
| 15. | Lungsena a hrem el naw lei le Ritlona chu a poisa el naw lei sekin, |
| 16. | Joban thu hmang lo a sak suok a,Invet angin a tong a tong a ni hi. |
| ← Job (35/42) → |