←  Job (32/42)  →
1. Joba chun fel a'n ti tlat leiin a ruolhai pathum chun an don let ta naw a.
2. Pathien inthiem neka Joban ama a'n thiem tlat lei chun Barakel naupa Elihu, Buz mi, Rama sungkuoa mi chu a chungah a lung a sen hle a.
3. A ruolhai pathumin Joba chu thiem naw inchang sia a thu kal thlak ngaina an hriet si naw lei chun a lung a sen bok a.
4. Anni chu a neka upa an ni si leiin Elihu chun hril ve loin a lo insum a nih.
5. Hieng mi pathumhai hin donna ding an hriet ta nawh ti a hmuin Elihu lung chu a sen zuol a.
6. Chuongchun, Buz mi Barakel naupa Elihu chun a hril ve ta a:"Kei chu naupang, nangni chu upa in na,Chu lei tak chun ka'n tim tlat a,Ka ngaidan ka hril naw cheu a nih.
7. A chal chang deuin hril hai sien la,Upahan varna thu zirtir raw se' ka ta.
8. Sienkhom, hriet thiem theina petu chu,Mihriem sunga cheng hlak thlarau, Iengkimthawthei thuok chu a nih.
9. Upahai chauh an var chuong naw a,Thudik an man pha chuong bok nawh.
10. Chuleiin, mi ngaithla ve unla,Ka hriet dan hril veng ka tih.
11. In thuhai ka lo ngaithlak zing a,Hril ding invaia in inmai lai leIn thang danhai ka lo chik vong a.
12. Ngun takin ka ngaithlak cheu a,Joba kal thla thei in um naw a,A thu let thla thei in um bok nawh.
13. 'Eini khing ding chun a var taluo, Pathienin hril fie lem raw se'Tiin mi hril tum rok naw ro aw.
14. Joba thu hin a mi la kap ve naw a,In kal dan ang hin don ve naw ning.
15. "Tu hin don ngaina hrim hre loin,Hril ding cha derin in inthung a.
16. Kei khomin to tokin ka nghak ding maw?Hril ding hre loin in ngir inzum si a.
17. Kei khomin hril ding ka nei a,Ka hriethai hi ka hril ve ding a nih.
18. Hril ding ka hau em em a,Ka sungrilah thlarauin a mi tur a;
19. A penga uoiin thar thun angin,Ka puok koi tep a ni ta hi!
20. Hril suokin insukthawl ka ta,Ka hmur phongin don veng ka tih.
21. Tu khom thlei bik nei naw ning,Tu khom inpak der bok naw ning.
22. "Mi inpak der thiem ka ni chun,Mi Siemtuin mi la hmang vak a tih.
←  Job (32/42)  →