←  Job (30/42)  →
1. "Tu ruok hin chu ka neka naupanghan,An mi nuisaw el chu a ni ta hi!An pahai chu ka ran ruol vengtuUihai laia um tlaka ka ngai lo an nih.
2. An tha sorna ding iem ka nei a?An hratna a chau se zo ta si a.
3. Tlasam le phingtama zur thlain,Thlaler ram tawl le pilrilah,Zan thimah an inmai vel a,
4. Thing zung le der hai an pot a,Hmunphi thing zung dam an ring a.
5. An mihai laia inthoka hnot suok,Rukru anga an rau khawng an nih.
6. Ruom thlavaiumah khawsain,Lungpui kak kar le puk an bel a.
7. Chimbukah ram sa anga inhramin,Zakthlai bukah an intom khawm a.
8. Mi hmangna bo le bengtla lo,A rama inthoka hnot suok an nih.
9. Tuhin an nauhan hla mi phuok elin,Fiem thawna takah an mi hmang a,
10. Tirdakin kar an mi'n hlat a,Hmaia chil mi sak khum an rin nawh.
11. Pathienin ka thalngul hrui sut a,A mi sukrinum hnung ruok hin chu,Ka hmaah insum kar an nei nawh.
12. Pawl khatin chang tieng an mi bei a,Ka ke awkna ding chang an kam a,Ruongchaiche an mi thlak khum a.
13. Ka lampui suksein an dangchat a,Thangpuitu ka nei nawh ti hrein,Ka siet theina ding taphot an thaw.
14. A awng lienna tieng an hung nor a,A chim sietna tieng an hung chim thla.
15. Thlaphangnan a mi'n huol vel a,Ka'n zaumna thli angin a liem a,Ka himna khom sum ang a ral tah.
16. "Ka hringna hi a zur tiel tiel a,Tuornain a mi tham ni tin.
17. Zankhuon ka ruin a mi ret a,Natnan re loin a mi rei ngut ngut.
18. A kut hratin ka silfenah a tham a,Ka zakuo ringah a mi rek de a.
19. Chihrakah a mi pei lut a,Pilvut le vut ang chauh ka ni tah.
20. "Aw Pathien, ka ko che a,Sienkhom i mi don naw a,Ka hung ngir suok a,Sienkhom i mi en ringot a.
21. Ka chungah rawng takin i tuong a,Indoi loin ka chungah kut i thlak a.
22. Thawngaleivirah mi deng lutin,Thliin i mi'n nuoi hmattir a.
23. I mi sukhlum ding ti ka hriet,Hringmi po po tuok dinga ruot chu.
24. "San ngaia khek beidong chungah,Mi an tuong ngai hrim hrim lem!
25. Harsatna tuokhai tuorpuiin,Mi retheihai ta dingin ka thla,A lungngai hlak naw am a ni?
26. Thil tha ka beisei laiin,Thil tha naw a hung tlung a,Var ngaia ka Tlumte thlir laiin,Inthim a hung tlung lem si.
27. Chawl loin ka sung a sa a,Tuornain ni tin a mi hmason a.
28. Nisa em lei ni loin ka duk a,Pungkhawmhai hmaah ka ngir a,Thangpuina hniin ka khek a.
29. Sihal unaupa hung inchangin,Chingpirinu ruolpa ka lo ni tah.
30. Ka vun duk chu a hung inkhek a,Khawsikin ka pang a sa vut vut a.
31. Ka tingtangin lusun hla a rem a,Ka theihlein tap hla a'n zawt.
←  Job (30/42)  →