←  Job (29/42)  →
1. Joba chun a hril zom pei a:
2. "Aw, thla liem tahai kha ka va ngai ngei,Pathienin a mi huol him lai nihai kha!
3. A khawnvar ka lu chungah invartir a,A vara lam inthim ka hraw lai hun kha!
4. Ka vanglai nihai tak kha aw!Pathien leh inhnai taka inpawl a,Ka insung mal a sawm lai nihai kha!
5. Iengkimthawtheiin mi umpui a,Ka bula ka nauhai an cheng lai hun kha!
6. Bawngnene kan sawr huou huou lai,Oliv hriek kan her put zur zur lai kha!
7. "Khawpui kot tuol zawlah fe a,Pungkhawm laia ka'n thung hun kha!
8. Tlangvalhan ka hung an mi hmu a,Inza takin lam an mi'n ken a,Upahai an tho a, an ngir thup a.
9. Hotuhai inbiek laklaw lai chawlin,An kutin an bau an hup a.
10. Mi lienhan rawl ki an sukhnuoi a,Dangah lei an inkoptir lai dam kha!
11. A mi hre photin an mi'n pak a,A mi hmu photin an mi chawimawi a:
12. San ngai mi retheihai san a, Fahrahai ka somdawl hlak leiin.
13. Hrang chat tephan mal an mi sawm a,Hmeithaihai lungril suklawmin,Hlimin hla ka'n saktir a.
14. Felna chu ka silfen inbel a na,Rorel indik chu ka lukawm a nih.
15. Mitdelhai ta dingin an mit ka na,Kebaihai ta dingin an ke ka nih.
16. Tlasamhai p� tak ka na,Mikhuolhai santu ka nih.
17. Mi rilohai khak ru ka vuok tliek a,An seput laihai ka pot thlak hlak.
18. "Hieng hin ka lo inngaituo hlak a:"Tieu zata tam ka nihai hmangin,Ka in luma ngei thing ka ta,
19. Ka zung hmun hnawngah inzam lut a ta,Ka zarah zankhuoin daidaw tlang a ta,
20. Chawimawiin um zing ka ta,Ka hratna thar zing a tih" tiin.
21. "Mihaiin ka thu an ngaithlak a,To thapin ka thurawn an nghak a.
22. Ka hril zoin an hril sap ngai naw a,Ka thurawnah an lung a awi hlak.
23. Raw sur ding angin ka thu an nghak a,A mal dong chakin bau an lo ka a.
24. Ka'n nuipek ph� awi harsa an ta,Ka hmel hlim an ta dingin a hlu si.
25. An lampui ding ka thlangpek a,An hotuah kei ka'n thung a;A sipai ruol laia lal angin ka um a,Lusunhai thlamuongtu ka ni hlak.
←  Job (29/42)  →