| ← Job (28/42) → |
| 1. | "Tangkaruo cho suokna khur a um a,Rangkachak raw thiengna pum a um. |
| 2. | Hnuoia inthokin thir an lak suok a,Lungthira inthokin dar an raw tui a. |
| 3. | Mihriemin kil tina thir an zongnaah,Hmun thim ram pilril an baw eng a. |
| 4. | Mihriem cheng ngai nawna hmunah,Mi sir ngai nawnaah hnuoi an cho a,A khurah hruiin an inkhai thlak a. |
| 5. | Bu le thlai suokna hnuoi sung chu,Meia raw tui ang a nih. |
| 6. | Chu chun safir lung dam a um a,A pilvut chu rangkachak phit a nih. |
| 7. | "Chu hmun inthup chu sa fa mi,Mupuihai khomin an hriet naw a,Mitin an la hmu ngai bok nawh. |
| 8. | Ramsa kol khomin an la sir naw a,Sakeibaknei khom an invak ngai nawh. |
| 9. | Mihaiin lungthirhai chu an cho a,Tlang thuthai rawtin an phor let a. |
| 10. | Lungpui an ver tlang seng sung a,Ro thil tinreng an hmu suok a. |
| 11. | Vadung hnarhai an zong suok a,Thil inthuphai chu an phor suok. |
| 12. | Sienkhom khaw laia inthokin am,Varna chu hmu thei ni tang a ta?Hrietthiemna chu khaw la'm a cheng a? |
| 13. | Mihriemin a hlutzie an hriet phak naw a,Hringmi ramah hmu ding a um nawh. |
| 14. | Lipuiin, "Ka kuomah a um nawh" a ta,Tuipuiin, "Ka kuomah a um bik nawh" a ti bok a. |
| 15. | Rangkachak hlira inchawk thei a ni naw a,Tangkaruo ieng zat khomin a man zo nawh. |
| 16. | Ofir rangkachakin a man zo naw a,Onik lung le safir lung tha tak khomin. |
| 17. | Rangkachak le lunghlu nekin a hlu lem a,Rangkachak incheina tinreng nek khomin. |
| 18. | Koral le jaspi lunghluin a man zo naw a,Varna chu lunghlu rubiin a man zo nawh. |
| 19. | Ethiopia topaz khomin a khan zo naw a,Rangkachak hlir khomin a'n chawk zo nawh. |
| 20. | "Varna chu khaw taka inthoka hung?Hriet thiemna chu khaw lai am a cheng? |
| 21. | Thilhring po po hmu thei loa thup a na,Chungleng vatehai laka khom thup a nih. |
| 22. | Sietna le Thina ruok chun,"A umna ringvangin kan hriet" an tih. |
| 23. | Pathien chauhin a lampui a hriet a,Ama chauhin a chengna chu a hriet. |
| 24. | Ama chun hnuoi kil tin a hmu vong a,Vankhup hnuoia thil tinreng hi a hmu vong. |
| 25. | Thli kuoma hratna a pek lai khan,A'n khinaa tui a'n khi suok lai khan, |
| 26. | Ruotui tlak zat dinghai leThlipui lampui ding a ruot lai khan, |
| 27. | Varna chu a en a, a hril vong a;A suknghet a, chik takin a en fie a. |
| 28. | Mihriem kuoma a hril chu hi a nih:LALPA ti hi varna chu a ni takzet a,Suol nghatsan hi hriet thiemna a nih." |
| ← Job (28/42) → |