| ← Job (26/42) → |
| 1. | Joba chun hieng ang hin a don a: |
| 2. | "Hrat naw i thangpui dan le, Ban zoi i hang san dan tak chu maw! |
| 3. | Mi mawl i hril var tum dan chu,Ieng hrietna ril am a na i phu suok? |
| 4. | Hieng thu hi khaw laia i hriet am ie?Tu thlarauin am a'n hriltir che a na? |
| 5. | "Thi tahai bei chu a dong hle a,Tui hnuoi le a sunga chenghai chuh. |
| 6. | Seol hi Pathien hmaah saruok a na,Abadon chun inkhumtu a nei nawh. |
| 7. | Hmar tieng boruok a zar duoi a,Hnuoi chu boruokah a khai kang a. |
| 8. | Sum sa takin tui a fun khawm a,Tui rik leiin sum chu a te nawh. |
| 9. | Thla lir lai hmel chu a tuom a,A chungah sum a zar khum a.i |
| 10. | Tui chungah kawlri a khang a,Ramriah thim le var a hmang a. |
| 11. | A hal pha chun pangzatin,Van dotu banhai an inthin a. |
| 12. | A lungsenin tuipui a chok phul a,A varnain rulpuij a rawt nawi a. |
| 13. | A thuokin van a mut thieng a,A kutin rulpui tlan lai a thil tlang a. |
| 14. | Hieng hi a thilthaw theizie pawhleu,A mi biekrukna ang chauh a la ni a,A thilthawtheina inrum ri lem chu,Tuin am hre thiem phak an ta?" |
| ← Job (26/42) → |