←  Job (24/42)  →

---

1.

"Ieng leia Iengkimthawtheiin,Rorelna hun a ruot naw am a na?Ama hretuhaiin chu ni chu,Ieng leia an nghak thlawn am a na?

2.

Ram ri son ching mi an um a,Mi ran an inrukhai an vai a.

3.

Fahrahai sabengtung an khal hmang a,Dakhamah hmeithai bawngchal an hren.

4.

Lampuiah tlasamhai an kapzut a,Retheihai himna zongin an inbi.

5.

Thlaler ram sabengtung angin,Retheihai chun fak ding dapin,hlalerah an inmai fawm a,Nauhai an chawm tawk tawk a.

6.

Mi bu lak hmaih dap khawmin,Mi rilohai grep lo hmaih an zong a.

7.

Zan deiah puon bo le saruokin,Sil ding nei loin an zal a.

8.

Tlanga ruopuiin a nang pha leh,Phen ding nei loin lungpui an bel a.

9.

Nene ne lai fahrahai chu,An nuhai tanga inthokin,Retheihai bat aiah lak dingin,An inchu thlakpek hlak si.

10.

Silfen boin, saruokin an leng a,Tam ngawi ngawiin buphal an put a.

11.

Oliv huonah hriek an her a,Dangchar ngawi ngawi pumin, Uoiin sawrkhurah grep an chil a.

12.

Hrangchat inrumin khawpui a sip a,Hliem tuorhaiin santu ding an ko a,Pathien hlakin a ngaisak bok si nawh.

13.

"Var laka hel pawl an um a,A lampui an hriet nuom naw a,A lampui an hraw nuom bok nawh.

14.

Retheihai le tlasamhai that dingin,Tuolthattuhai thimbutin an tho a,Zanah rukru angin an invak a.

15.

Uirepa chun thimbut a nghak a,'Tu khomin mi hmu thei naw nih' a ta,Hmai kawrin a hmai a tuom a.

16.

Zanah mi in an rok a,Sunah an inkharkhum a,Var hrim hrim an ngai thei nawh.

17.

Thim sa chu an zing tieng a na,Thim tibaium chu an ruol tha a nih.

18.

g "Tui huom inlang ang an na,An ram hluo khom tongsephur a na,An grep huonah tu khom an fe nawh.

19.

Ni lumin vur khal a em tui angin,Thlanin mi suolhai chu a lem hlak.

20.

Sulin a theinghil tawl a,An ngein anni chu an tlan a;Mi rilohan hriet zing an hlaw naw a,Thing kung angin an tliek hlak.

21.

Nau bo chinghai chungah an tuong a,Hmeithaihai an ngaisak nawh.

22.

Sienkhom Pathien hratnain,Mi ropuihai a hnuk thlak hlak.Ngirhmun an suknghet khomin,Nun thlamuongna an nei nawh.

23.

Muong awm taka inngaiin,In chawl hadamtir sien khom,A enthlak tawl zing a nih.

24.

Sawt nawte chawisangin an um a,Chu zoah an bohmang nawk a,Sukhnuoiin an hung um a,Lak khawmin an um nawk hlak,Buvui an sik khawm ang hin.

25.

Tu am chu chu a ni nawh ti thei?Tu am ka'n dik nawh ti mi fie thei?"

---

←  Job (24/42)  →