←  Job (23/42)  →
1. Joba chun hieng hin a don a:
2. "Voisun chen khom ka la nuor hle,Hieng ang khopa ka'n rum khom hin,Ka lakah a kut rik a'n thla si nawh.
3. Ama hmu thei dan ding hre lang,A chengnaa fe ka va nuom ngei!
4. Ka chungthu a kuomah intlun ka ta,Ka bau ngeiin thiem thu hril ka tih.
5. A mi don dan hriet ka nuom a,A hril ka hriet thiem theina dingin.
6. A hratna ropui chun mi khing a ti'm?Teu lo e! Mi lo ngaithla lem a tih.
7. A hmaah mi nun ngilhai chun,Thiem thu a hril thei leiin,Ka chungthu reltu kuta inthokin,Kumkhuon thiem chang tang ka tih.
8. "Sienkhom sak tieng ka hang fe a,Chu taka chun a um naw a,Thlang tieng ka zu fe nawk a, Chu taka chun ka hmu bok nawh;
9. Hmar tieng khom ka hmu zo nawh,Ama chu a'n bi tlat a,Sim tieng ka va fe khomin,Ka hmu thei chuong bok si nawh.
10. Sienkhom, ka fenahai a hriet a,Aman a mi fie zo pha chun,Rangkachak hlirah suok ka tih.
11. Ka kein a hniekhnung a hraw pei a,Khaw tieng khom a petsan nawh.
12. A thupekhai ka petsan naw a,Ka lungrilah ka khawl khawm a,Ka ni tin bu nekin ka hlut lem.
13. Sienkhom, ama chu amaa ngir a na,Tu'n am ama chu khing ngam an ta?A nuom dan ang takin a thaw hlak.
14. Ka chunga a ruot angin a thaw a,Remruot dang khom a la nei teuh.
15. Chuleiin a hmaah ka thlabar a,Ka ngaituo changin ka'n thin hlak.
16. Pathienin ka lungril a suktlep a,Iengkimthawthei chun a mi sukthlabar.
17. Thim sa takin a mi tuom vel a,Sienkhom thimin a mi hup dei nawh.
←  Job (23/42)  →