←  Job (22/42)  →
1. Teman mi Elifaz chun hieng hin a don a:
2. "Mihriem hi Pathien ta din a tangkai am? Mi var chu Pathienin hlawkpui a ti'm?
3. Mi fel ni la, Iengkimthawthei lawm a ti?Soisel boin kal chawi la, iem hlawkpui a ta?
4. "Pathien i'n za em leiin ama chun,Khingin i chungah ro a hung rel a ni?
5. I ritlona hi a nasa hle an naw maw?I suolnan tawp chin a nei am a ni?
6. A san boin i unau lakah dakham i phut a,Mi silfen i hlippek a, saruokin i sie a.
7. Chauhai tui i pek nuom naw a,Phingtamhai fak dingin bu i'n ro a,
8. Ram chu mi thilthawtheihai ta leAnni chanpuol bik hrimah i ngai a.
9. Kut ruokin hmeithaihai i'n tintir a,Fahrahai kut i ul tliekpek a.
10. Chuleiin changin an huol vel che a,Thlabarnan a nang thut che a nih.
11. Chuleiin thimin a bawm khum che a,Tui fawnin a vur khum che a nih.
12. "Pathien chu van sangah a um.Arasi insangzie le hlatzie khi i hmu?
13. Amiruokchu nangma chun,'Pathienin iem a hriet phak a?Thim s� tak kar dana inthokin,Ieng tin am ro a rel thei ding?
14. Ama chu sum s� takin a tuom a,Chuleichun a mi hmu thei nawh.Hla takah, van kuol sunga khin,An lon vel a nih' i ti a.
15. "Mi suol hraw hlak lam hlun chu,I hraw ve ding am a ni ?
16. An vanglai lak hmangin an um a,An innghatna tuiin a len hmang tah.
17. Pathien kuoma, 'Mi fesan rawh,Iengkimthawtheiin ieng hrim am,Kan chungah a thaw thei a?'Tia hril hlaktuhai chu an nih.
18. Chuong sa chun thil tha tinrengin,An inhai chu a sung sip hlak.Mi rilohai remruotna laka chun,Kei chu ka'n thier fihlim dai a nih.
19. An siet hmuin mi felhai an lawm a,Poi tawk lohai chun an nuisan a,
20. Ei hmelmahai an se chieng ie,An hausakna meiin a lem zo tah' an tih.
21. "Pathien kuomah intuklut la,Ama chu inrempui rawh,Chuongchun hmuingil nawk i tih.
22. A kam thu suok chu awi la,A thuhai i lungrilah vong rawh.
23. Iengkimthawthei kuoma i kir chun, Aman tungding a ti che,Fel nawna chu i puon ina inthoka,Hla takah i sie hmang phot chun.
24. I rohluhai chu pilvut lai pei la,Ofir rangkachak chu ruom inthukah.
25. Iengkimthawthei chu i ta dingin,Rosum hlu tak hung ning a tih.
26. Iengkimthawtheia chun lawm i ta,Pathien tieng hung ngha tang i tih.
27. A kuomah tongtai i ta,Aman lo ngaithlang a ti che a,I thutiemhai chu hlen i tih.
28. I ti ang angin thawpek a ti che a,I lampuihai sunvar zing a tih.
29. Mihai an lunghnuol changa,"Tungding raw khai" i ti pha chun,Beidonghai chu sandam a tih.
30. Poi tawkhai chen san suok a ta,I kut faina zarin suok an tih."
←  Job (22/42)  →