Job (17/42)  

1. "Ka thlarau hi a koidar a,Ka nihai khom a kin ta a,Thlanin a mi nghak ta zing a.
2. Cheksoltuhan an mi'n huol a,An mi diriem danhai chu,Lung na takin ka thlir zing.
3. "Aw Pathien nangma ngeiin,Ka ta dingin dakhamd sie rawh,Tu dangin am ka dakham ding,An mi siepek ding a na?
4. Hrietthiemna nei lo ding a,An lungril i kharpek ta si leiin,Hnena inchangtir lul naw rawh.
5. Hlawkna hmuna ding lei ela,Mani ruolhai thlauthlatu chu,A nauhai mit la'n vai a tih.
6. "Pathienin mihai hmaah,Nuizatburin a mi siem a,Chil an mi sakkhum hut hut a.
7. Lungngai leiin ka mit a'n thim a,Keima hlimthla ang hiel khopin,Ka taksa bung tin a zur thla a.
8. Mi ngilhai pang a sukza hle a,Pathien ngaisak lohai chungah,Poi tawk lohai ha khom a sukza.
9. Mi felhai ruok chun an um dan,Inthla ngai naw ni hai a,Kut faihai hrat deu deu an tih.
10. "In rengin hung kir nawkin,Mi ruol bom nawk khom ni unla,Nangni rawi lai hin mi var,Tu khom hmu chuong naw ningah.
11. Ka nihai an liem mek a,Ka thil tum a hlawsam zo a,Ka duthusam a thlawn zo tah.
12. Zan hi sun an inbuk a,Thim hnuoia ka'n leng laiin,"Var a hnai tah" ti'n an mi hril.
13. Ka in beisei nei sun chu,Seol chauh lo ni tah sien,Thimah zalhmun rem ta lang,
14. Thlan chu "Ka p� i nih" ti lang,Chokchawnal chu "Ka n� i nih,Ka farnu i nih" lo ti ta lang,
15. Ka beisei chu iem ning a ta?Tu'n am ka beisei hrieng an ta?
16. Seol a zu tlung ding maw? Ka beiseina leh pilvutah,Kan liem thla diel el ding maw?"

  Job (17/42)