←  Job (14/42)  →
1. "Nuhmei hring mihriem nun hi,A hang tawi em em vei leh,Buoina ngota sip a nih.
2. Par ang a hung vul liet a,Sawtnawteah a chuoi a,Hlim intawl zing ang elin,A bo nawk nghal el hlak si.
3. Chuong ang chauh mi chunga chun,I mit infuktir zingin,A chungthu relpek dingin,I hmaah i thuoi ding maw?
4. Tuin am porchea inthok,Thil thienghlim a lak thei a?Tu khomin a thaw thei nawh.
5. Mihriem damsung nihai hi,I ruotpek sa diem a na,A kan thei chin ding ramri,I khangpek sa vong a nih.
6. A chawl hadam theina di'n,Ama chu nghatsan ta rawh,Mi sor lai inhlawfa anga, A hun a tlingtlak chenin.
7. "Thing chu phur thlu inla khom,A zung inder thar nawkin,Dawn thar a'n suo thei leiin,Beisei ding a la um a.
8. Hnuoia a zung chu zurin,A bul chen tawl tah sienkhom,
9. Tui rim a hung hriet charin,Hung inder suok nawk a ta,Dawn tuoi insuo nawk a tih.
10. Mihriem ruok chu a thi pha,Tlawm takin an inzal a,A hnuk a hung chat charin,Khaw lai am a um ta a?
11. Tuifinrieta inthoka Tui hu a hung suok ang le,Khuo a hung inthal pha a,Vadung a hung kang ang hin,
12. Mihriemhai chu an zal a, An hung tho nawk ta si nawh,Vanhai an bo hmakhat chun,Thang har nawk ta naw ni a,Kei har ni bok naw ni hai.
13. Thlanah mi thup hmang daiin,I lungsen a'n kieng hma po,Mi sie hmang la ka va ti ngei!A hun sung ding mi ruotpek la,Chu hun chu a tlingtla pha,Mi hung hre zui nawk chauh rawh.
14. Mihriem hi a thi pha leh,A hring nawk thei am a ni?Ka suok hun a tlung hmakhat,Inrim takin nghak fan fan ka tih.
15. Mi hung ko la, don ka ti che,I kut suok hi ngaina tang i tih.
16. Chu pha chun ka kal chawi tin,Nangin mi tiempek i ta,Ka suolna hnuhma ruok chu,Mi suipek ta nawng i ta,
17. Ka bawsietna po po khom,Ip sungah mi kharpekin,Ka suolna hliekhu tang i tih.
18. "Tlanghai chima an ral angin,Lungpui son hmang an ni angin,
19. Tuiin lung a hrut hek angin,Tui lienin pil a len hmang angin,Mihriem beiseina i nuoi bo hlak.
20. Ama chu i hne kumkhuo a,A hmuna inthokin i sukbo a,A thi pha leh a hmel puthmang,Sukdanglamin i tir hmang hlak.
21. A nauhai an chawimawi a,Aman a hriet zui ta naw a,Suktlawma an um khomin,A hriet zui chuong ta bok nawh.
22. A taksa na chauh a hriet a,Mani chauh insunin a'n rum.
←  Job (14/42)  →