←  Jeremiah (9/52)  →
1. Ka thlunglu hi siktui hnarah, Ka singmit hi mitthli hnarah,Inchang thei sien la chu aw!Ka mi an thathai sunin,Sun le zan ka ta ding bah!
2. Thlalerah khuolbuk nei lang,Ka mihai hi maksan daiin,Intom bo ka va nuom ngei!Uire hmang vong an ni si!Depde fuon khawm ruol an nih.
3. "An leiin khel kap suok di'n,Thal ngul angin a'n pei zing.A ram sungah thudikin,Hnena a chang thei ta nawh.Suol pakhata inthokin,Suol dangah an pakai a,Kei an mi hriet fuk ta nawh"Tiin LALPA chun a hril.
4. "Ruolhai lakah fimkhur ro,In unauhai ring naw ro.Unauhai chu hlemhmang an na,Ruolhai chu mi demhmang an nih.
5. Ruolin ruol dang a hlem a,Thudik hril an um ta nawh.An lei chu khel hril dingin,An inchuktir ngat ngat a,Anni rawi sawlpui tak chu,Thil suol thaw ngat ngat a nih.
6. Hlemhmang laia cheng i na, Inhlema an buoi leiin,Kei an mi hriet fuk ta nawh"Ti hi LALPA thu a nih.
7. Chuleiin, Iengkim LALPA chun, Hieng ang hin a hril a nih:"Ngaitu, ka mihai suol leiin,Raw tuina meiah rawin,Anni chu ka fie ding a nih.Chuong baka thaw dan ding chu,Ieng am a um chuong bik a?
8. An lei chun thalhlawn angin,Khel a phu suok zung zung a;An tuolbawm seng bau thain,An biek liem liem tawl hlak a,Sienkhom an lungril ruok chun,Chang an kam khum tawl hlak si.
9. Hieng thil lei hin anni chu,Ka hrem naw ding am a ni?Chuong ang hnamhai chunga chun,Phuba ka lak naw ding maw?"Tiin LALPA chun a hril.
10. Tlanghai sunin tap ka ta,Inring takin khek ka ta,Thlaler phul khom sun ka tih;Rausan hmun inchang zoin,Tu khom an fe ta naw a,Bawng inbu ri a re ta a,Chungleng vahai an tin hmang a,Ran ruol tla an um ta nawh.
11. "Jerusalem chu hmun se ram,Sihal chengna hmun ning a ta,Judai rama khawpuihai chu,Hluotu tu khom um loin,Rausan hmunah inchang a tih."
12. Chuong thil chu hre thiem ding tawk mi var an um naw a ni maw? Tu am a na LALPA thu lo dongtu le puongtu ding chu? Tu khom hraw ngai lona thlaler ang topa ieng leia ram chu a se hmat zo am an ta a?
13. LALPA chun, "An kuoma dan ka pekhai chu an hnawl a, ka rawl an ngaithlak nuom naw a, ka thu an zawm nuom bok nawh.
14. Zawm nek hmanin lulul an insuo a, an thlatuhaiin an lo inchuktir ang khan, Baal an biek ta lem a.
15. Chuleiin, Iengkim LALPA, Israelhai Pathien chun, "Ngai ta u, hieng mihai hi bu kha infaktir ka ta, an dawn dingin tui kha peng ka tih.
16. Anni le an thlatuhai khomin an la hriet ngai lo hnamhai lai chun sukdar ka ta, ka sukbohmang vong hma khat chu kawlhnamin inhnottir ka tih" a ta.
17. Hi hi Iengkim LALPA chun a hril:"Tuhin in ngaituo ro khai,Nuhmei ruol tap khekhai chu,Hung dingin hril tawl unla,Tap thiem thiem hung raw hai se.
18. Inhmaw takin hung hai sien,Kan mitthli far zoi zoi a,Tui anga a luong chenin,Mi hung tap khum raw hai se.
19. Zion-a inthok khomin,Tap ri chu an hriet phak a,'Ei va hang se ta ngei maw!Ei va hang muolpho de aw!Ei inhai a ram zo tah,Ei ram suoksan el ei tiu'Ti chu an tap hla a nih.
20. Aw nangni nuhmei ruolhai,LALPA thu hi ngaithla ro; A thu in naah lut sien,In naunuhai chu tap hla,Insam dan zirtir unla,Mani tuolbawmhai seng chu,Lusun hla inchuktir ro.
21. Thina chu ei tukverah,A hung invak lut ta a,Ei kul sungah a lut tah;Kotthlera naupang inhnel,Hmu ding an um ta naw a,Tuolzawla tlangval um khawm,Hmu ding hrim an um ta nawh.
22. "Miruong chu hnawmhnok angin,Tuol lai indar phung a ta,Buphal lak hmai ang elin,Tu khomin inkhawm naw nih"Tiin LALPA chun a hril.
23. LALPA chun hieng hin a tih: "Mi varin a varna uongpui naw sien la, mi hrat khomin a hratna uongpui naw sien, mi hausa chun a sum le pai uongpui bok naw raw se.
24. A uongpui taphot chun kei LALPA, hi hnuoi chunga zangaina le indikna hmanga fel taka rorel hlaktu le chuong ang thil lawm hlaktu ka nizie a hriet thiemna le a hrietna chu, uongpui lem raw se," tiin. Chu chu LALPA thu suok a nih.
25. LALPA chun, "Ngai ta u, taksa chauha sertanhai ka hremna ding nihai chu a hung tlung mek a nih.
26. Aigupta mi hai, Juda hai, Edom mi hai, Amon mi hai, Moab mi hai le thlaler ram hla taka um, baksam ziet kawnghai po po khom chu hrem ka tih. Chuonghai chu sertan lo hnam vong an na, Israel sungkuohai ngei khom lungril tienga sertan lo an nih" tiin.
←  Jeremiah (9/52)  →